MAKATANISHO 27:20 - Biblia Ilagho Jiboie Kwa Wandu Wose

²⁰ Andu kwa Wafu ndekukatwagha jingi, na wokoni bea ya mdamu ndeikatwagha jingi.

MAKATANISHO 27:20 ပူးပေါင်းရင်းမြစ်များ

AYUBU 26:6

Mlungu waichi maza rose ra Andu kwa Wafu; ndekuwadie kilambo chingi chivisikie kwake anduangi.

MAKATANISHO 15:11

BWANA waichi kula ilagho jiko hata Andu kwa Wafu, ni kuchumba saki Mlungu kumanya ngolo ra wandu!

MAKATANISHO 23:5

Kwadima kuriwona, kuwuye kurisowe; riakaia seji raabuka mawawa na kuburuka cha mawingunyi sa indu.

MAKATANISHO 27:19

Seji machi ghiwonyeragha wushu ghwa mundu, niko koni akili rake rimmbonyeragha seji uo moni uko.

MCHILI 1:8

Maza rose radareda kusilwa ni ndighi, hata nderighorekagha. Iriso jikeduawona ndejikatwagha, na kudu kukeduasikira, ndekuchuagha.

MCHILI 4:8

Mundu hoyu ooka uekeri; ndewadie mwana hata mruna; ela sena waawuyabonya kazi ngelo rose usekatwagha ni mali uko naro. Ubonyera ani kazi na ndighi huwu ukikuima raha ingi? Agha nagho ni malagho gha duu; ni irangi ja wasi.

MCHILI 6:7

Mundu wadabonya kazi rose eri upate vindo, ela ndekatwagha.

ISAYA 5:14

Kwa huwo Andu kwa Wafu kwakaia na bea mbaa, kwatambarua momu ghwake kuwimila; wabaa wa Jerusalemu na wandu wawo wengi wasea aho, chiaimweri na wandu wake wengi wizumagha andenyi yaro.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

HABAKUKI 2:5

Mali radakalia wandu. Wandu wa choyo wadakukasa nawo ndewina kuhora kungi. Ndewikatwagha jingi weeka sa kifwa. Iyo niyo shekeria wawuyasima kula mbari na kuwidwa wandu wunyika.

HAGAI 1:9

“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.

1 JOHANE 2:16

Angu iro maza rose riko wurumwengunyi, bea ra mumbi, bea ra meso, na kukujosa kwa irangi, ndevifumagha kwa uja Aba anduangi, ela vadafuma wurumwengunyi.