MAKATANISHO 27:12 - Biblia Ilagho Jiboie Kwa Wandu Wose

¹² Mundu uwadie suku wadawona ndengwa na kukuvisa, ela mundu usene maghesho wadaenda imbiri na kungia wasinyi.

MAKATANISHO 27:12 ပူးပေါင်းရင်းမြစ်များ

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

MAKATANISHO 22:3

Mundu uko na suku wadawona ndengwa na kukuika; mkelu wadaghenda imbiri na kungia wasinyi.

MAKATANISHO 27:11

Mwana wapo, kukaie na hikima; kunibonye nikaie na kuboilwa, eri mndungi ukakanimenya nidime kumtumbulia.

MAKATANISHO 27:13

Mundu ukakufunya kukaia mdhamini wa mundu mghenyi, kuwadie nguwo yake; kummbwade ubonye ighemi iji wakufunya ukaie mdhamini wa waghenyi.

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

2 PETRO 3:7

Ela kwa ilagho ijo jeni, mlungunyi na ndoenyi riko idana rawikilwa modo; naro raawuyawikwa hata ijo Ituku ja Kutanywa, na kutoteshwa kwa wandu wisemuobuagha Mlungu.