MAKATANISHO 26:12 - Biblia Ilagho Jiboie Kwa Wandu Wose

¹² Baa mkelu kuchumba mundu ukuwonagha moni kukaia waichi sena useichi kindo chingi.

MAKATANISHO 26:12 ပူးပေါင်းရင်းမြစ်များ

MAKATANISHO 12:15

Mkelu wadakurumiria moni, ela mundu wa hikima wadasikiria mawonyero.

MAKATANISHO 22:29

Kwawuyammbona mundu uichi kazi yake? Uchadumikia wazuri, ndechaadumikia wandu wa ndonyi anduangi.

MAKATANISHO 26:16

Mghadi wadakuwona moni waichi kuchumba wandu mfungade widimagha kutumbulia nicha.

MAKATANISHO 26:5

Mtumbulie mkelu itumbulio ja wukelu, usecheghesha wei oomanya.

MAKATANISHO 28:11

Mundu ufughie wadakuwona moni kukaia na hikima, ela mkiwa utambukilwagha, uchammanya.

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.

MAKATANISHO 29:20

Kwadima kumsuwiria mkelu kuchumba mundu udedagha malagho kisha kisha usepimagha.

MAKATANISHO 3:7

Kusakekuririkanya kumoni kukaia na hikima; kumuobuo BWANA na kutana na kiwiwi.

ISAYA 5:21

Ni bugha kwa awo wikuwonagha weni kukaia na hikima, wikikuririkanya weni kukaia na suku.

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

LUKA 18:11

Uja Mfarisayo ukakaia kimusi ukalomba ngolonyi kwake ukighamba, ‘Nakufunyira chawucha ee Mlungu, kwa kukaia ini siko sa wandu wazima, wa lwafuo, wawiwi, walaki, na hata sa uhu mmbwadi wushuru.

LUKA 7:44

Nao ukimghalukia muka ukamzera Simoni, “Kwammbona muka uhu? Kufuma nangia nyumbenyi kwako ndekuninekie machi gheoghosha maghu ghapo, ela uo wanioghosha maghu ghapo kwa mbori rake, na kughiaghia kwa iridia jake.

JOHANE 9:41

Jesu ukawizera, “Ngera modeeka vitungure, kumangu ndemsikiragha kutanywa kungi; ela idana angu mwaghamba, ‘Dawuyawona,’ huwo muadua na kutanywa konyu.”

WAROMA 12:16

Kaienyi na kuchinana mmbeni na mmbeni; msakekukasa, ela muwibonyere nicha awo wiko wanyonge; jingi msebando ni chongo.

WUFUNUO 3:17

Angu oho kwaghamba, ‘Ini nawadie mali, nachurikie hata sine haja na kilambo chingi;’ kusemanyagha kukaia oho ko mundu wa wasi, owasira wughoma, mkiwa, kitungure, na kuko duu.