MAKATANISHO 24:9 - Biblia Ilagho Jiboie Kwa Wandu Wose

⁹ Kula mpango ghuririkanywagha ni mkelu, ni kaung'a, na mundu odema sare wadazamia wandu.

MAKATANISHO 24:9 ပူးပေါင်းရင်းမြစ်များ

KUZOYA 6:5

Nao BWANA ukaghuwona wuwiwi ghwa mdamu sa iji ghwakaia m'baa ndoenyi, na kula ighesho ja ngolonyi kwake ni wuwiwi mduu matuku ghose.

KUZOYA 8:21

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya.

ZABURI 119:113

Nadazamilwa ni waji kuwi, ela naikunde sharia yako.

MAKATANISHO 21:24

Mundu wa nganyi ukukasire, irina jake ni “Mdemi sare.” Wadabonya malagho kwa kukukasa kuchumbie.

MAKATANISHO 22:10

Mwinje mdemi sare, na nganyi richasia, marashano na madukano ndeghichaakaia.

MAKATANISHO 23:7

Wadima kukuzera kuje, kunyo; ela ngolo yake ndeikwanye na oho; ni muji kuwi.

MAKATANISHO 24:8

Mundu opanga kubonya mawiwi, uchawangwa mundu wa ndasanya.

MAKATANISHO 29:8

Wandu wedema sare wadaredia muzi ndasanya, ela wandu wa hikima wadahoresha lubio.

MAKATANISHO 9:7

Uo ummbonyeragha makosa mundu umenyere wadakuredia madukano moni, na uhu umkemiagha mundu mmbiwi uchavavirika.

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

MATHAYO 5:28

Ela ini namzera, uo ose umzighanagha muka ukikaia na bea nao, wameria kulaka nao ngolonyi kwake.

MATHAYO 9:4

Nao Jesu ukimanya maririkanyo ghawo ukaghamba, “Kwaki mgheshagha mawiwi ngolonyi konyu?

MABONYO GHA WADUMI 8:22

Kwa huwu hea ichi kiwiwi chako, kulombe Bwana ngera idimika ukufue wughoma agho maghesho gha ngolo yako.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.