MAKATANISHO 24:24 - Biblia Ilagho Jiboie Kwa Wandu Wose

²⁴ Mtanyi umzeragha mundu mmbiwi wei ndena ikosa jingi, uchaewelwa, na kuzamia wandu wose.

MAKATANISHO 24:24 ပူးပေါင်းရင်းမြစ်များ

MAKATANISHO 11:26

Mundu ulegheriagha viro wadaewelwa ni wandu, ela uhu uuzagha wadarasimilwa.

MAKATANISHO 17:15

Mundu umtalagha mmbiwi kukaia na hachi, na uhu umtanyagha mhachi kukaia mkosi, wedefwanana; wose wadamzamia BWANA.

MAKATANISHO 28:27

Uo uwinekagha wakiwa, ndechaasowa kindo chingi; ela uo usemzighanagha mkiwa, uchawasirwa njowe ni wandu wengi.

MAKATANISHO 30:10

Kusakemmenya mdumiki kwa bwana wake usechekuewia, na oho kuwoneke mkosa.

ISAYA 5:20

Ni bugha kwa awo wighuwangagha wuwiwi wucha, na wucha wuwiwi; awo wiredagha kira wulalo ghwa mwengere, na mwengere wulalo ghwa kira; awo wikuwangagha kuwawa kusinga, na kusinga kuwawa.

ISAYA 5:23

awo wimlekeriagha mmbiwi angu wawituwa, na kumuima mloli hachi yake.

ISAYA 66:24

“Nawo wichafuma na kuwona gharia ra awo wandu werenileghieghe; kwa kukaia kivunyu chawo ndechifwagha, na modo ghwawo ndeghurimikagha anduangi; wichawoneka kukaia wuchafu kwa wadamu wose.”

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.