MAKATANISHO 24:16 - Biblia Ilagho Jiboie Kwa Wandu Wose

¹⁶ angu mundu wa hachi wadaaghwa mando mfungade na kuwuka sena, ela wawiwi wadatota kwa kupatwa ni ndengwa.

MAKATANISHO 24:16 ပူးပေါင်းရင်းမြစ်များ

KUZOYA 19:35

Wikamnyosha ndee divei sena chija kio, na uja mwai mtini wori ukangia kwa ndee, ukalala nao, na ndee nderemanyireghe ukilala hata ukiwuka anduangi.

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

ZABURI 34:21

Wuwiwi ghuchawibwagha wawiwi; awo wizamilwagha ni wahachi, wichatanywa.

ZABURI 37:24

Ukeduakuwa, ndechaaghwa; kwa kukaia BWANA uchammazira kwa mkonu ghwake.

ZABURI 52:5

Ela Mlungu uchakutotesha kwa kala na kala; uchakufunya mzinyi kwako na kukurashua, nao uchakuinja isangenyi ja wandu wiko moyo.

ZABURI 7:16

Mawiwi ghake ghadammburia moni, na lung'eto lwake lwadamghalukia moni.

ZABURI 79:12

Kuwilipe wandu wa mbari zima mando mfungade, kwa wundu ghwa iro seko wikusekie naro ee BWANA.

MAKATANISHO 13:17

Mdumwa mmbiwi wadaredia wandu wasi, ela mdumwa mucha wadaredia wandu sere.

MAKATANISHO 13:21

Wakaung'a wadanughwa ni wasi kula andu, ela wahachi wadapata mafungu mecha.

MAKATANISHO 14:32

Mmbiwi wadanonwa ni agho mawiwi ughibonyere, ela mundu wa hachi wadalindilwa ni wucha ghwake.

MAKATANISHO 24:22

angu wadima kureda wasi ngelo iyo yose. Nani umanyagha kunoneka kuchaafuma kwawo?

MAKATANISHO 6:15

Kwa wundu ugho, uchachelwa ni ndengwa shwa wori, nao uchashoghonoka isedimikagha uboo.

JEREMIA 18:17

Nichawisaghisa imbiri ya wamaiza wawo, seji mbeo ifumagha mashariki idukagha vilambo; nichawiwikia mghongo, sichaawizighana ingelo ya wasi ghwawo anduangi.”

JEREMIA 8:4

BWANA ukanizera nighore na wandu wake huwu, “Wandu wikaghwa-lee, ndewiwukagha? Mundu ukawuya nyuma, ndeheagha sena anguwada?

EZEKIELI 7:5

Bwana MLUNGU waghamba huwu, “Wona wasi aighu ya wasi ghwaawuyacha.

AMOSI 5:2

Mwai Israeli wamerie kughwa; usechaadima kuwuka sena! Oosighwa ulale andonyi; kuseko na mndungi omtesia.

AMOSI 8:14

Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”

MITALO 32:23

Ela mkalegha huwo, mwameria kum'bonyera BWANA kaung'a; nenyo mkaie na loli kukaia kaung'a ichamfunya shighadi.

MABONYO GHA WADUMI 12:23

Shwa wori malaika wa Bwana ukamkaba, na kumghusha angu useremkasireghe Mlungu, ukalumwa ni vunyu ukafwa.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

1 SAMUELI 26:10

Nao Daudi ukaghamba, “Sa iji BWANA ukaiagha moyo, uchamkaba moni, angu ituku jake jefwa jivika, angu kewada ungie wudenyi nao ufue aho.

1 SAMUELI 31:4

Nao Sauli ukamzera uja mdawana oremdukiagha maswagha ghake, “Kua lufu lwako kunidunge nalo nisechewadwa ni awandu wiseshamishiro, nao winidunge na kuniseka.” Ela uja mdawana ukalemwa angu oreobueghe nandighi. Kwa huwo Sauli ukaludegha lufu lwake, ukalughuya na kukudunga nalo.