MAKATANISHO 24:14 - Biblia Ilagho Jiboie Kwa Wandu Wose

¹⁴ Kumanye hikima eeka huwo rohonyi kwako; kukaipata, kuchakaia nicha ngelo richagha, na isuwirio jako ndejichaalaghaya anduangi.

MAKATANISHO 24:14 ပူးပေါင်းရင်းမြစ်များ

MAKATANISHO 23:18

Loli kuchapata mecha ngelo ichagha, na isuwirio jako ndejichaalaghaya anduangi.

MAKATANISHO 2:10

Kuchakaia na hikima, na kumanya kwako kuchakuredia maboilo.

JAKOBO 1:25

Ela uo uizighanagha sharia ikatie, iyo iwikagha wandu huru, nao urumaghie, ukisikira useliwagha, ela wakaia m'bonyi ukatishagha, mundu uo ucharasimilwa kwa agho ubonyagha.

JEREMIA 15:16

Nereghiwonieghe malagho ghako ngaghija, ghikawuya iseko na kuboilwa ngolonyi kwapo; angu niwangilo kwa irina jako ee BWANA Mlungu wa majeshi.

ZABURI 119:103

Malagho ghako ghadanisingia nandighi! Ghanisingiagha kuchumba wuki.

MAKATANISHO 22:18

Malagho agho ghichakuboia kukaghiwika ngolonyi kwako, na kughighora kwa momu ghwako.

ZABURI 119:111

Memu yako ni ifwa japo kwa kala, ni kuboilwa kwa ngolo yapo.

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

MAKATANISHO 16:24

Madedo ghiboie gheeka sa mando gha choki, ghareda kusinga rohonyi na wubanana mumbinyi.