MAKATANISHO 24:13 - Biblia Ilagho Jiboie Kwa Wandu Wose

¹³ Jaa wuki mwana wapo, ghwaboie; matanda gha mando gha choki ghasingie.

MAKATANISHO 24:13 ပူးပေါင်းရင်းမြစ်များ

ZABURI 119:103

Malagho ghako ghadanisingia nandighi! Ghanisingiagha kuchumba wuki.

ZABURI 19:10

Ghakundikie kuchumba dhahabu, ee, kuchumba dhahabu ielie, ghasingie kuchumba wuki; wuki ghutonyagha kufuma kwa mando gha choki.

MAKATANISHO 16:24

Madedo ghiboie gheeka sa mando gha choki, ghareda kusinga rohonyi na wubanana mumbinyi.

MAKATANISHO 25:16

Kukawona wuki kooja ghukate, kukaja mungi kwadima kudaika.

MAKATANISHO 25:27

Kuja wuki mungi si nicha, kwa huwo si nicha kulola ishima jichumbie.

MAKATANISHO 27:7

Mundu ughudie, uzamilwa ni wuki, ela uo uzughilo, wadasingilwa ni icho chose chibirie.

LUMBO 4:11

Memu yako iadika wuki bibi arusi wapo; lumi lwako luadika mariwa na wuki kwapo. Nguwo rako reeka na irumba jose ja Lebanoni.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 7:15

Ngelo ikavika wakamanya kusaghua kulegha mawiwi na kubonya mecha, uchaja siagi na wuki.

MATHAYO 3:4

Johane orerwaeghe nguwo ibonyero kwa mafuri gha ngamila, ukakufunga mkowa ghwa mrongo kiwonunyi kwake. Vindo vake verekoghe zighe na wuki ghwa kireti.

WATANYI 14:9

Ukangira mkonu na kufunya wuki, nao ukaghenda ukighuja chienyi; ukacha kwa ndee na mae, ukawineka wuki ghumu, nawo wikaja. Ela nderewighorieghe wei waafunya ghuja wuki gharienyi ya shimba.

1 SAMUELI 14:27

Ela Jonathani nderekoghe wasikira iji ndee oreghemeshagha wandu. Kwa huwo ukaghorua mzata ghorekoghe mkonunyi kwake, ukaghungira andenyi ya indo ja wuki na kuleta, na meso ghake ghikaela.