MAKATANISHO 24:12 - Biblia Ilagho Jiboie Kwa Wandu Wose

¹² Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

MAKATANISHO 24:12 ပူးပေါင်းရင်းမြစ်များ

AYUBU 34:11

Mlungu wadamlipa mundu kunughana na mabonyo ghake; wadam'bonyera kunughana na mighendo yake.

ZABURI 121:3

Mlindiri wako ndelalagha; ndechaakusigha kugho anduangi.

ZABURI 121:8

BWANA uchakulindia kukifuma na kukingia, kufuma idana, hata kwa kala na kala.

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

ZABURI 44:21

ndekoremanyagha e kuichi ngasu rose ra ngolo ee Mlungu?

ZABURI 62:12

na lukundo lukatie. Oho BWANA kwadamlipa mundu karakara na kazi yake.

ZABURI 66:9

Wadikaishire moyo, na kudilindia disegho.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

ZABURI 94:9

Mlungu uumbie madu ulemwa wada ni kusikira? Uo uumbie iriso, ulemwa wada ni kuwona?

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

MAKATANISHO 16:2

Mdamu wadawona chia rake rose kukaia ni ndicha, ela BWANA nuo uichi ngolo.

MAKATANISHO 21:2

Kula mundu wadawona seji ooka nicha, ela BWANA wadapima ngolo.

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

MCHILI 5:8

Kukawona wakiwa wikikorongwa isangenyi, na kusowelwa hachi, kuseshinike. M'baa wadazighanwa ni m'baa umu, sena oko m'baa umu aighu yake.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 32:19

kuko m'baa kwa njama rako na kwa mabonyo ghako; kwadawona chia rose ra wadamu na kumlipa kula mundu karakara na mabonyo ghake;

KILILO CHA JEREMIA 3:36

BWANA waichi iji hachi yalaghashwa kotinyi.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

MATHAYO 16:27

Angu Mwana wa Mdamu uchacha na wubaa ghwa Ndee andwamweri na weke malaika wake, nao uchamlipa kula mundu kunughana na mabonyo ghake.

MABONYO GHA WADUMI 17:28

angu, ‘Andenyi kwake uo, dakaia moyo, dikisela-sela, na kudua;’ sa iji koni wadungi chumbo wamu wenyu wighorie, ‘Isi loli deko wana wake.’

WAROMA 2:16

Huwo niko ichaakaia iji Mlungu uchaatanya maghesho gha wandu ghivisiro jija ituku, kwa chia ya Kristo Jesu; karakara na Ilagho Jiboie ijo nawuyajichila.

WAROMA 2:6

Angu Mlungu uchamneka kula mundu karakara na kazi rake.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.

WUFUNUO 2:18

“‘Na malaika wa ikanisa ja Thuatira kumuandikie huwu:’ ‘Agha ni malagho gha Mwana wa Mlungu, uo uko na meso sa lumu lwa modo, na maghu ghake ghiko sa shaba izughulo na ndighi.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 22:12

“Olenyi niacha kafwani, niko na mafungu ghapo, nimlipe kula mundu karakara na seji ubonyere.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.

1 SAMUELI 2:6

BWANA wadabwagha na kukaisha moyo, wadasera wandu Andu kwa Wafu na kuwirukisha.

1 SAMUELI 25:29

Wandu wikawuka kulwa na oho, wikikunda kujifunya irangi jako, BWANA uchajivisa irangi jako banana bwana wapo, na oho kuchalindilwa ni BWANA Mlungu wako; na marangi gha wamaiza wako uchaghikumba noko sa kukumbwa na kikuza.