MAKATANISHO 22:9 - Biblia Ilagho Jiboie Kwa Wandu Wose

⁹ Mundu uko na ishima ucharasimilwa, angu uwaghiagha wakiwa vindo vake.

MAKATANISHO 22:9 ပူးပေါင်းရင်းမြစ်များ

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

MAKATANISHO 11:17

Mundu ukakaia na wughoma, ni fwaida kwake; ela mkinyanya wadakushoghonua moni.

MAKATANISHO 11:25

Mundu unekagha wandu, uchafughishwa; uo uhoreshagha wandu nao moni uchahoreshwa.

MAKATANISHO 11:27

Uo ulolagha wucha kwa kufunga ndighi, wadapata; uo ulolagha kiwiwi, uchachiwona.

MAKATANISHO 14:21

Uo ummenyagha mmbao, ni mkaung'a, ela uo ummboniagha mkiwa wughoma, uchaboilwa.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 21:13

Mundu uleghagha kusikira kililo cha mkiwa, uo moni wori uchakema nao ndechaasikirwa ni mndungi.

MAKATANISHO 28:24

Mundu uiwiagha wavi wake ukighesha wei si ikosa jingi, oofwanana na kitoi.

MAKATANISHO 28:27

Uo uwinekagha wakiwa, ndechaasowa kindo chingi; ela uo usemzighanagha mkiwa, uchawasirwa njowe ni wandu wengi.

MAKATANISHO 31:20

Wadawitesia wakiwa, na kuwineka awo wisowagha.

ISAYA 32:8

Ela mundu mucha wadafunya maghesho mecha, nao wadakaia kwa agho ghiko mecha.

MATHAYO 20:15

Kwani ndeinifwane kubonya seji nikunde na mali rapo anguwada? Angu kwaaniwonia iriso angu niko mucha?’”

MARKO 7:22

wutoi, kubwagha, kusela na waka wa wandu, iriso, wuwiwi, wukalo, wusawi, kurasha, wung'eti na wukelu.

LUKA 14:13

Ela iji kwabonya karamu, kuwange wakiwa, watighini, wakelemeri, na vitungure;

MABONYO GHA WADUMI 20:35

Neremmbonyereghe kwa maza rose, seji kwa kubonya huwo idifwane diwitesie awo wisewadie ndighi; dikikumbuka malagho gha Bwana Jesu seji oreghambieghe, ‘Kuneka wandu koko na irasimio nandighi kuchumba kunekwa ni wandu.’”

WUKUMBUSO 28:56

Na muka umoni ulelelo kwa ishima aghadi konyu, usedimagha kughenda na chia angu udendere na kunyafua, uchaima mumi vindo umoni wikundane, na mwana wake wa womi na wa waka.

WAEBRANIA 13:16

Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

1 PETRO 4:9

Mkuzaisire kukaribishana mmbeni na mmbeni kuseko na mazughunuko.