MAKATANISHO 22:23 - Biblia Ilagho Jiboie Kwa Wandu Wose

²³ BWANA uchawidederia, nao uchawiredia wasi awo wawuyawisoka.

MAKATANISHO 22:23 ပူးပေါင်းရင်းမြစ်များ

ZABURI 103:6

BWANA uchawidederia na kuwipatira hachi wandu wose wikorongwagha.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 140:12

Naichi BWANA kwawidederiagha wandu wikorongwagha, na kuwitanyira hachi awo wisowagha.

ZABURI 140:13

Wahachi wichakukasa loli loli; wandu wecha wichakaia andu kuko.

ZABURI 35:1

Simana na wandu wisimanagha nani ee BWANA, na awo wilwagha nani, kulo nawo.

ZABURI 35:10

Nani nichaghora kwa ngolo yapo yose, “Nani uko sa oho ee BWANA? Kwadamkira mnyonge na uo umchumbie ndighi, na uo usene kindo chingi, kwadamkira na uo umsokagha.”

ZABURI 43:1

Kunitale kukaia na hachi ee Mlungu, kunidederie imbiri ya wandu wisekuichi; kunikire na wandu wa mikalo na awo wisewadie hachi.

ZABURI 68:5

Mlungu, uo ukaiagha andenyi ya Hekalu yake, nuo ndee wa wana wakiwa, na mlindiri wa waka wifuilo ni womi.

KUFUMA 22:22

Kusakemkita mka mkiwa angu mwana mkiwa.

KUFUMA 22:23

Mkawikoronga nao winililie, loli nichasikira kililo chawo,

MAKATANISHO 21:7

Lung'eto lwa wandu wawiwi, luchawiinja noko; kwa kukaia wadalegha kubonya hachi.

MAKATANISHO 23:11

Kwa kukaia BWANA ni mlindiri wawo uko na ndighi, nao uchawidederia.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

JEREMIA 50:34

Mkomboli wawo oko na ndighi, irina jake ni BWANA wa majeshi. Loli ucharizighana maza rawo, upate kureda kuhora ndoenyi; ela kwa wandu wikaiagha Babuloni, uchawisowia kuhora.”

JEREMIA 51:36

Kwa huwo, BWANA waghamba huwu aighu ya wandu wa Jerusalemu, “Olenyi nicharizighana maza renyu, nani nichalipa kisasi kwa wundu ghonyu. Nichaomera ndiwa ra Babuloni na kuomera ndoria raro ra machi.

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

HABAKUKI 2:8

Angu kusokie mbari nyingi vilambo vawo, awo wisigharikie wichakudwa wunyika; kwa kukaia kwabwaghie wandu wengi na kutotesha masanga mengi.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

1 SAMUELI 24:12

BWANA ndetanye aghadi yapo na oho; BWANA ndenilipie kisasi chapo kwako, ela ini sichaakubonya kiwiwi chingi.

1 SAMUELI 24:15

BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”

1 SAMUELI 25:39

Daudi uendaghorelwa kukaia Nabali wafue, ukaghamba, “BWANA ndekaso, uo wanilipia kisasi kwa wundu ghwa agho nibonyero ni Nabali; nao wanilindia ini mdumiki wake nisebonye kiwiwi; BWANA wammbunjira Nabali ugho wuwiwi ughubonyere aighu kwake moni.” Niko Daudi ukaduma momu ghomchumbia Abigaili, eri upate kumlowua.