MAKATANISHO 2:9 - Biblia Ilagho Jiboie Kwa Wandu Wose

⁹ Kukanisikira, kuchatambukilwa ni hachi na loli, na kukumazira, na kula chia ndicha.

MAKATANISHO 2:9 ပူးပေါင်းရင်းမြစ်များ

ZABURI 119:105

Ilagho jako ni taa enighenja, na mwengere chienyi kwapo.

ZABURI 119:99

Neko na kumanya kuchumba walimu wapo wose, angu nadasindairirikanya memu yako.

ZABURI 25:12

Umundu umuobuagha BWANA, BWANA uchamfundisha chia imfwanagha kunugha.

ZABURI 32:8

BWANA waghamba, “Nichakuwonyera na kukufundisha seji ikufwanagha kughenda, nichakuneka njama na kukuzighana.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

MAKATANISHO 4:12

Iji kwakaghenda chienyi ndekuchaatangalwa; kukakimbia, ndekuchaakuwa.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

MAKATANISHO 8:20

Nadaghenda na chia ra hachi; nadanugha mivori ya loli,

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 48:17

BWANA, uo Mkomboli wako, Mlungu Mweli wa Israeli waghora huwu: “Ini ne BWANA Mlungu wako, uo ukufundishagha kupate fwaida na kukulongoza kwa iyo chia ifwane kuighendie.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.