MAKATANISHO 2:12 - Biblia Ilagho Jiboie Kwa Wandu Wose

¹² Hikima ichakulindia kusebonye mawiwi, na kukuwika kula na wandu widedagha kisha.

MAKATANISHO 2:12 ပူးပေါင်းရင်းမြစ်များ

ZABURI 101:4

Nichakaia kula na wuwiwi; sichaabonya ilagho jingi jizamie.

ZABURI 141:4

Kusakenisigha niboilo ni kubonya makosa, na kukuranganya na wawiwi andenyi ya mabonyo ghawo ghizamie; Jingi kusenisighe ningie andenyi ya karamu rawo.

MAKATANISHO 10:32

Mundu wa hachi waichi madedo gherumirilwa, ela mundu mmbiwi wadadeda malagho ghevavira.

MAKATANISHO 13:20

Mundu uwadanagha na wandu wa hikima, uchawuya mundu wa hikima; ela uo uwadanagha na wakelu uchavavirika.

MAKATANISHO 23:33

Kuchawonagha vilambo va kighenyi, na akili rako richakubonya kudede kisha-kisha.

MAKATANISHO 28:26

Uo ukusaghikagha na akili rake moni ni mkelu, ela uhu ughendagha kwa hikima uchakirwa.

MAKATANISHO 3:32

BWANA wadazamilwa ni mundu uleghie chia rake, ela wadawirumiria wandu wecha.

MAKATANISHO 6:12

Mundu wa kisha-kisha, wadaghenda ukideda madedo gha kisha.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

MAKATANISHO 9:6

Sighana na wandu wisewadie kumanya kukaie moyo. Nugha chia ya kumanya.”

MABONYO GHA WADUMI 20:30

na wandu wamu wichawuka aghadi konyu mmbeni wighoragha tee, wipate kuwilaghasha awo wanughi wiwonewinugha.

1 WAKORINTHO 15:33

Msakekalilwa, “Wungara ghwa madedo ghizamie ghwadanona tabia ndicha.”

2 WAKORINTHO 6:17

Kwa huwo, fumenyi aghadi kwawo mtane nawo, waghamba Bwana; nenyo mseadade kindo chingi chiseelie; niko nichaamkaribisha.