MAKATANISHO 19:14 - Biblia Ilagho Jiboie Kwa Wandu Wose

¹⁴ Nyumba na mali ni ifwa jipatikagha kwa weke aba, ela muka uwadie suku wadafuma kwa BWANA.

MAKATANISHO 19:14 ပူးပေါင်းရင်းမြစ်များ

KUZOYA 24:44

nao urumirie kunineka sena unyoshe ngamila rapo, ndeukaie uo nuo moni muka kwamsaghuya mwana wa bwana wapo.’

KUZOYA 24:7

BWANA, uo Mlungu wa mlungunyi orenifunyireghe nyumbenyi kwa aba, na kufuma ijo isanga nivailo, sena uo oreghorieghe nani na kunilaghira ukighamba, ‘Kivalwa chako nichachineka isanga iji,’ uo uchamkirisha malaika wake imbiri kwako, na oho kuchampatira mwana wapo muka kufuma aho.

MAKATANISHO 13:22

Mundu mucha wawisighiagha weke wawae ifwa, ela mali ya mkaung'a yadawikilwa mhachi.

MAKATANISHO 18:22

Mundu ukapata muka, wapata kilambo kicha, na BWANA uchamrumiria.

MAKATANISHO 3:6

Kum'bonye BWANA uwoneke kwa chia rako rose, nao uchakughenja nicha.

2 WAKORINTHO 12:14

Olenyi iji ni indo ja kadadu niko tayari kucha konyu. Nani sichaamlemera kungi, angu siwuelola vindo venyu, ela niamlola inyo; kwa kukaia si wana wiwikiagha wavi wawo mali, ela wavi niwo wiwiwikiagha wana wawo.

WUKUMBUSO 21:16

ituku wakawaghia wana ifwa ja vilambo vake, usem'bonye uja mvalwa wa imbiri wa womi wa uja muka umkunde kukaia wa imbiri, na kusigha uja mvalwa wa imbiri wa womi wa uja muka usemkunde.

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JOSHUA 11:23

Joshua ukawusa isanga jose sa iji koni BWANA oremlaghirieghe Musa. Joshua ukawineka Waisraeli jikaie isanga jawo, ukawiwaghia vipande kwa kula kichuku. Wandu wikahora na kuleka wuda.

1 SAMUELI 25:3

Mundu uo orewangwaghwa Nabali, na irina ja mkake orewangwagha Abigaili. Muka uo orekoghe ughokie uko na suku, ela mumi orekoghe ung'etere usene adabu, nao orekoghe wa kivalwa cha Kalebu.