MAKATANISHO 17:8 - Biblia Ilagho Jiboie Kwa Wandu Wose

⁸ Kuhonga kooka sa wusawi ghwa uo wawuyafunya; andu kose uidiagha maza rake riakaia nicha.

MAKATANISHO 17:8 ပူးပေါင်းရင်းမြစ်များ

KUZOYA 32:14

mburi maghana awi, fwandi mirongo iwi, ng'ondi maghana awi, bauru mirongo iwi,

KUZOYA 32:21

Na agho manosi ghikakiria, ela uo moni ukasigharika na nyuma, ukalala kambinyi icho kio.

KUZOYA 43:11

Niko ndee ukawizera, “Ikakaia ni suti maza rikaie huwo, bonyenyi huwu: Mudo matunda ghamu ghiboie gha isanga iji magunienyi konyu, ghikaie manosi kwa uja mundu. Mdwaienyi matunda gha zabibu riomie, wuki mtinieri, marumba, manemane, na njugu.

ZABURI 18:16

BWANA oreserieghe kufuma koighu; ukaniwada; ukanifunya andenyi ya machi ghimilie.

ZABURI 19:6

Jabuka iichia cha kutuonyi kwa mawingunyi, na kuida hata kutuonyi kwaro. Kilambo chingi ndechikuvisagha chisepato ni mruke ghwaro anduangi.

ZABURI 21:13

Dakukasa ee BWANA kwa wundu ghwa ndighi rako mbaa. Dichabora na kurikasa ndighi rako.

ZABURI 29:4

Lwaka lwa BWANA lwasikirika, luko na ndighi na wubaa mungi.

KUFUMA 23:8

Kuserumirie kuhongwa; angu kuhongwa kwadabwagha meso, mundu usewone agho ghiko gha hachi, upate kulaghasha hachi ya mundu uko mloli.

MAKATANISHO 17:23

Mundu mmbiwi wadahongwa kivisonyi, upate kulaghasha hachi.

MAKATANISHO 18:16

Inosi ja mundu jadam'bonyera chia emreda imbiri ya wabaa.

MAKATANISHO 21:14

Inosi ja kiviso jadahoresha machu, na ituwo ja kiviso yadahoresha lubio.

MCHILI 7:7

Mundu wa hikima ukamkalia mndumu, waawuyabonya sa mkelu; kukawusa matuwo kuchakunona kumoni.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

AMOSI 5:12

Naichi makosa ghenyu mengi, na kaung'a renyu seji riko mbaa. Mwadawitirira wandu wecha, na kuhongwa; mwadamtangala mkiwa usepate hachi yake kotinyi.

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

1 SAMUELI 25:35

Nao Daudi ukawada ivo vindo vose oredwaeghe, ukamzera, “Ghenda nyumbenyi kwako kwa sere; nameria kusikira agho kwaghora, nani nichakukatishira malombi ghako.”