MAKATANISHO 17:3 - Biblia Ilagho Jiboie Kwa Wandu Wose

³ Feza na dhahabu radatimwa kwa modo; ngolo radatimwa ni BWANA.

MAKATANISHO 17:3 ပူးပေါင်းရင်းမြစ်များ

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 28:1

“Loli veko vina vekota feza, na koko andu koeleshera dhahabu.

ZABURI 139:23

Kunizighane ee Mlungu kuimanye ngolo yapo! Kunitime kumanye maghesho ghapo.

ZABURI 26:2

Kunipime na kunitima ee BWANA, kuwone ngolo yapo na akili rapo.

ZABURI 66:10

Kwaditimie ee Mlungu; kwaditimie seji feza ieleshwagha kwa modo.

MAKATANISHO 15:11

BWANA waichi kula ilagho jiko hata Andu kwa Wafu, ni kuchumba saki Mlungu kumanya ngolo ra wandu!

MAKATANISHO 16:2

Mdamu wadawona chia rake rose kukaia ni ndicha, ela BWANA nuo uichi ngolo.

MAKATANISHO 17:2

Mzumba uwadie hikima ucham'bonyera nguma mwana wa bwana wake ubonyagha maza ra waya, nao uchawagha ifwa nao, sa umu wa waruna.

MAKATANISHO 21:2

Kula mundu wadawona seji ooka nicha, ela BWANA wadapima ngolo.

MAKATANISHO 27:21

Feza na dhahabu radatimwa kwa modo, na mdamu wadamanyika kwa sare yake.

ISAYA 48:10

Ola nakuelesha ela si seji feza ieleshwagha, nakutima andenyi ya modo ghwa matiriro.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

EZEKIELI 22:18

“Mwana wa mdamu, wandu wa Israeli waafwanana na wuchafu ghwasigharika ghwa feza, na shaba, na ibamba, na chuma, na risasi nyuma ya kueleshwa na kuinjwa kwa iwiwi ja modo.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

WUKUMBUSO 8:16

Wamnekie mana kireti; vindo viserejiloghe ni weke ndeyo. Ukamfundisha kwa maza rikatie, ukamtima eri upate kum'bonyera mecha kutuonyi.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.