MAKATANISHO 17:21 - Biblia Ilagho Jiboie Kwa Wandu Wose

²¹ Mwana mkelu ni wasi kwa ndee; ndee wa mkelu ndewadie kuboilwa kungi.

MAKATANISHO 17:21 ပူးပေါင်းရင်းမြစ်များ

KUZOYA 26:34

Nao iji Esau wavika miaka mirongo ina, ukalowua wai wawi wa Wahiti: Judithi, mwai wa Beeri na Basemathi, mwai wa Eloni.

2 SAMUELI 18:33

Nao mzuri ukawawa nandighi, ukajoka na kungia chija chumba cherekoghe aighu ya mbenge, ukalila; hata iji orekoghe ukighenda ukalila ukighamba, “O mwanwapo Absalomu, mwanwapo, mwanwapo Absalomu! Si baa nafwanagha ini wulalo ghwako? O mwanwapo Absalomu, mwanwapo!”

MAKATANISHO 10:1

Agha ni makatanisho gha Solomoni: Mwana uko na hikima wadam'bonya ndee uboilo, ela mwana mkelu, wadamredia mae wasi.

MAKATANISHO 15:20

Mwana uko na hikima, wadaredia ndee kuboilwa, ela mkelu wadammenya mae.

MAKATANISHO 17:25

Mwana mkelu ni wasi kwa ndee, na luwawo kwa mae.

MAKATANISHO 19:13

Mwana mkelu wadamnona ndee, muka orashana ni sa machi ghitonyaa-tonya tuli tuli.

2 WAKORINTHO 2:3

Nani neremuandikieghe ghaja gheni, eri ngacha nisevaviro ngolo ni waja wandu weni inifwaneghe winibonye niboilo. Angu nerekoghe na wuloli kwa inyo mmbose kukaia, kuboilwa kwapo kuchakaia kuboilwa konyu inyo mmbose.

3 JOHANE 1:4

Ndekuwadie kuboilwa kungi kuzima nidimagha kupata, kuchumba uko kusikira kukaia wana wapo wawuyainugha iyo loli.

1 SAMUELI 8:3

Ela wana wake ndewerekoghe wikinugha mfwano ghwa ndee, wikaghaluka wikikunda kushama; wikawusa hongo, na kwa chia iyo wikailaghasha hachi.