MAKATANISHO 16:6 - Biblia Ilagho Jiboie Kwa Wandu Wose

⁶ Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 16:6 ပူးပေါင်းရင်းမြစ်များ

KUZOYA 20:11

Abrahamu ukamzera, “Nedeghesha wei wandu ndewimuobuagha Mlungu aha, nawo wichanibwagha kwa wundu ghwa muka wapo.

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

NEHEMIA 5:9

Niko ngaghamba, “Agho malagho mwawuyabonya ndeghiboie! Yafwane kughenda kwa kum'bonyera Mlungu ishima, eri mghirie wandu wa iro mbari zima, awo wiko wamaiza wedu wisediseke.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 85:10

Lukundo na wuloli richakwana; hachi na sere richasusughana.

KUFUMA 1:17

Ela awo waka wevarisha werekoghe wikimuobua Mlungu, kwa huwo wikalemwa ni kubonya seji mzuri orewilaghirieghe, wikawisigha wana wa womi wikaie moyo.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 14:2

Mundu ughendagha nicha, wadamuobua BWANA, ela uo ughendagha kiwiwi, wadammenya.

MAKATANISHO 14:27

Kuobua kwa BWANA ni ndoria ya irangi, kuam'bonya mundu ukaie kula na midegho ya kifwa.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

MAKATANISHO 20:28

Hachi na loli yadam'bonya mzuri uduo ukibonya nguma; wuzuri ghwake ghwamazirwa ni hachi.

MAKATANISHO 3:3

Kusesighe kusikira na wuloli, kurifunge singonyi kwako na kuriandika ngolonyi kwako.

MAKATANISHO 3:7

Kusakekuririkanya kumoni kukaia na hikima; kumuobuo BWANA na kutana na kiwiwi.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

DANIELI 4:24

“Uku niko kutambua kwaro ndodo iyo ee mzuri. Sharia yafumie kwa Uo-Uko-Aighu-Nandighi na kuredwa aighu yako bwana wapo mzuri.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

WALAWI 25:17

Msekitane, ela kumuobuo BWANA Mlungu wako.

LUKA 11:41

Ela funyenyi makuwio gha ivo viko nandenyi, nenyo olenyi vilambo vose vichakaia vielie konyu.

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

WAEFESO 5:21

Kula mundu ndekuwike aisi ya mmbao kwa kumwobua Kristo.

WUKUMBUSO 30:13

Hata ndeghiko kimonu cha bahari mghambe, ‘Nani uruwukagha bahari wendediondia dipate kughisikira na kughibonya?’

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.