MAKATANISHO 15:9 - Biblia Ilagho Jiboie Kwa Wandu Wose

⁹ Mighendo ya mmbiwi yadamzamia BWANA, ela wadamkunda mundu unughagha hachi.

MAKATANISHO 15:9 ပူးပေါင်းရင်းမြစ်များ

ZABURI 1:6

BWANA wadawighenja wahachi, ela wawiwi wichatoteshwa.

ZABURI 11:7

BWANA ni mhachi, nao wadakunda mabonyo gha hachi; awo wecha wichaghuwona wushu ghwake.

ZABURI 139:24

Kuwone ngera ghoko wuwiwi ghungi andenyi kwapo, kunighenje na chia icheni ya kala.

ZABURI 5:5

Wandu wikukasire ndewidimagha kukaia kimusi imbiri kwako, oho kwadazamilwa ni awo wose wibonyagha kiwiwi.

MAKATANISHO 15:10

U mundu usighagha chia ya Mlungu uchapatwa ni ikabo ibaa; mundu uzamilwagha ni kuwonyerwa makosa uchafwa.

MAKATANISHO 21:21

Uo unughagha hachi na wughoma, uchawona irangi na ishima.

MAKATANISHO 21:4

Wandu wawiwi wadalongozwa ni lubando, na kukujosa, na iyo ni kaung'a.

MAKATANISHO 21:8

Chia ya mundu wa makosa eezama, ela tabia ya mundu mucha yaboie.

MAKATANISHO 4:19

Chia ya wawiwi ni sa kira cha ndindi; ndewimanyagha niki chawikuwisha.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:7

“Nisikirenyi inyo muimanyagha hachi, inyo wandu mmbwadie sharia yapo ngolonyi; msakeobua masholio gha wandu, hata msakefwa waya kwa kudukana kwawo.

JEREMIA 44:4

Nani nerewidumieghe wadumiki wapo walodi wose konyu sena na sena ngighamba, ‘Msebonye ughu wuwiwi niseghukunde.’

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

MATHAYO 7:13

“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi.

WUKUMBUSO 7:13

Uchamkunda na kumrasimia na kum'bonya mchurikie na kuva wana wengi; ucharasimia mbuwa renyu mpate viro, divei na mavuda; uchamrasimia mkaie na ng'ombe na ng'ondi nyingi. Uchamrasimia isangenyi seji orewilaghirieghe weke ndeyo kukaia uchawineka.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 TIMOTHEO 2:22

Kwa huwo, kuriinjikie bea ra wudawana; kuinughe hachi, irumirio, lukundo, na sere andwamweri na awo wimmbangiagha Bwana kwa ngolo ielie.