MAKATANISHO 15:8 - Biblia Ilagho Jiboie Kwa Wandu Wose

⁸ Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 15:8 ပူးပေါင်းရင်းမြစ်များ

2 SAMUELI 15:12

Hata iji Absalomu orekoghe ukifunya vizongona, ukaduma Ahithofeli, Mgiloni uwango, uo orekoghe mnjama wa Daudi; uche kufuma muzi ghwake ghwa Gilo. Aho sheshe rikachurikia kukaia nandighi, na wandu wemnugha Absalomu wikakaia wikichurikia.

1 WAZURI 3:10

Nao BWANA ukaboilwa angu Solomoni orelombieghe huwo.

1 MALAGHO GHA NGELO 29:17

Mlungu wapo naichi kukaia oho kwatimagha ngolo, na kuboilwa ni wandu wecha kwa ishima na kwa wucha ghwa ngolo nakufunyira vilambo ivi vose kwa ngolo, nani nawona wandu wako wiko aha wikikufunyira kwa ngolo na kuzuma.

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

ZABURI 17:1

Sikira kuvoya kwapo kwa hachi, na kililo chapo ee BWANA. Degha kudu kusikire malombi ghapo ghiseko na wukalo ghungi.

MAKATANISHO 10:24

Icho mundu mmbiwi uchiobuagha nicho cheni chichaamchea, ela mhachi uchanekwa icho uchikunde.

MAKATANISHO 15:29

BWANA wadakaia kula na wandu wawiwi, ela wadasikira ilombi ja mhachi.

MAKATANISHO 15:7

Wandu wa hikima wadaeresha kumanya, ela wakelu ndewibonyagha huwo.

MAKATANISHO 21:27

Kizongona cha mundu mmbiwi ndechiboie; ni kuchumba saki, ukachireda na nia mbiwi!

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MAKATANISHO 28:9

Mundu ukalegha kuisikira sharia, hata malombi ghake ghichamzamia Mlungu.

MCHILI 5:1

Kukakaghenda Hekalunyi kukulindie. Ba kughenda aho kukufundishe, kuchumba kufunya vizongona sa wakelu wisemanyagha mecha na mawiwi.

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

ISAYA 61:8

BWANA waghamba, “Ini BWANA nadakunda loli, nadazamilwa ni kusoka na makosa; nani nichawilipia wandu wapo kwa hachi, na kubonya nawo ilaghano ja kala na kala.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 6:20

Ugho ubani kufuma Sheba niredelwa ghwaki? Na marumba kufuma isanga ja kula? Vizongona venyu vekora sivirumirie, hata siwueboilwa ni vizongona venyu putu.

DANIELI 9:23

Kwendazoya kuvoya, itumbulio jafunyiroghe. Nacha kukughoria kwa kukaia kwakundo nandighi. Kwa huwo sikiria, kutambukilo ni agho mawono.

WALAWI 7:18

Nyama ingi ya icho kizongona cha mapatano isigharikie hata ituku ja kadadu ikajighwa, kizongona cha uo mundu ndechichaarumirilwa hata kutalwa anduangi, chichawuya wuchafu. Na uo ujagha uchawuya mkosi.

MIKA 6:6

Ngakacha kumtasa BWANA Mlungu uko mlungunyi, nimdwaia kii? Niamdwaia ngache riboie kwa vizongona vekoraa anguwada?

MIKA 6:7

Ngafunya maelfu gha bauru na mavuda mengi BWANA uboilwa? Niamfunyira mwana wapo wa imbiri kulipia kaung'a rapo anguwada?

HAGAI 2:14

Niko Hagai ukaghamba, “BWANA waghamba huwu: Ola huwo niko wandu wa mbari ihi wiko imbiri kwake. Kula kazi wibonyagha, na icho chose wichifunyagha kizongona madhabahunyi, ndechielie.”

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

JOHANE 4:24

Mlungu ni Roho, na watasi wa loli wichadimishwa kumtasa loli ni Roho wake.”