MAKATANISHO 14:2 - Biblia Ilagho Jiboie Kwa Wandu Wose

² Mundu ughendagha nicha, wadamuobua BWANA, ela uo ughendagha kiwiwi, wadammenya.

MAKATANISHO 14:2 ပူးပေါင်းရင်းမြစ်များ

2 SAMUELI 12:9

Kwaki kujimenyere ilagho japo, kukabonya wuwiwi imbiri kwapo? Kwam'bwaghie Uria Mhiti, kukawusa mkake; na koom'bwagha wudenyi kwa kutumia lufu lwa Waamoni.

1 WAZURI 3:6

Solomoni ukaghamba, “Oho kwamerie kuwonyera lukundo lubaa lukatie kwa mdumiki wako aba Daudi, angu orekoghe ukighenda imbiri kwako kwa wuloli, na hachi, na kwa ngolo yose. Niko kukam'bonyera ulo lukundo lubaa, kukamneka mwana wa womi upate kuchiseria kifumbi chake cha nguma idime.

2 WAZURI 17:34

Wandu awo waduagha wikibonya woruwo hata idime wikinugha mizango yawo ya kala. Ndewimtasagha BWANA hata kunugha memu na sharia rake orewilaghirieghe wana wa Jakobo uo oremmbangieghe Israeli.

AYUBU 1:1

Korekoghe na mndumu isanga ja Usi, uwangwagha Ayubu. Orekoghe mundu mucha, usewadie wuwiwi ghungi; muoboi Mlungu uleghie mawiwi.

AYUBU 12:4

Hata waghenyi wapo waawuyaniseka; ini mundu neremmbangagha Mlungu nao unidike, mundu wa hachi usewadie ikosa jingi, wandu waawuyaniseka.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

ZABURI 25:21

Wucha ghwapo na ishima japo ndeviniwike nicha; naawuyakusuwiria oho.

MAKATANISHO 11:12

Mundu ummenyagha mmbao, oosowa akili, ela mundu uelelo wadanyama kima.

MAKATANISHO 16:17

Mundu mucha wadalegha chia mbiwi, uo ulindiagha mighendo yake wadajilindia irangi jake.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 19:1

Baa mkiwa uko mloli, kuchumba mkelu ughoragha tee.

MAKATANISHO 2:15

Wandu wisene loli; winughagha chia rikomekie.

MAKATANISHO 28:6

Mkiwa uko mloli ni baa kuchumba mundu ufughie ughoragha tee.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

LUKA 16:14

Nao iji Mafarisayo wereghisikireghe agho, nawo ni wandu wikundagha mali, wikamseka kwa lumenyo.

MABONYO GHA WADUMI 10:22

Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”

MABONYO GHA WADUMI 10:35

ela mundu uo ose wa kula mbari umuobuagha uo, na kubonya agho ghiko gha hachi, wadamrumiria.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.