MAKATANISHO 14:18 - Biblia Ilagho Jiboie Kwa Wandu Wose

¹⁸ Wandu wisewadie kumanya wadawasirwa wukelu, ela wandu wiwadie suku wadachulwa ni kumanya.

MAKATANISHO 14:18 ပူးပေါင်းရင်းမြစ်များ

MAKATANISHO 14:17

Mundu ojokwa ni machu shwa-shwa, wadabonya kiwukelu, ela mundu uwadie suku wadarumaghia.

MAKATANISHO 14:19

Wandu wawiwi wadawighoghomia wandu wecha; wichaghoghoma mbengenyi imbiri ya wahachi.

MAKATANISHO 3:35

Wandu wa hikima wichanekwa ishima, ela wakelu wichasowelwa ishima.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

DANIELI 12:3

Awo wa hikima wichang'ala-ng'ala sa kung'ala-ng'ala kwa mawingunyi; na awo wiwighaluagha wengi wiinughe hachi, wichang'alng'ala sa nyerinyeri kwa kala na kala.

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.