MAKATANISHO 13:7 - Biblia Ilagho Jiboie Kwa Wandu Wose

⁷ Mndumu uakubonya mzuri wa mali, usewadie kindo chingi; umu uakubonya mkiwa, sena uko na mali nyingi.

MAKATANISHO 13:7 ပူးပေါင်းရင်းမြစ်များ

MAKATANISHO 11:24

Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.

MAKATANISHO 12:9

Mundu wa ndonyi ukudumikiagha moni oko baa, kuchumba mundu m'baa usena vindo.

MAKATANISHO 13:11

Mali ripatiro kwa chia iseko na hachi ichapungua, ela uo utumbanyagha kutini kutini ucharichuria.

MAKATANISHO 13:8

Mundu wadima kutumia mali rake kukombua irangi jake, ela mkiwa ndeoboshwagha ni ilagho jingi.

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

LUKA 12:21

Ni huwo koni kwa uo ukuwikiagha moni mali, useko na mali ingi kwa Mlungu anduangi.”

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

1 WAKORINTHO 4:8

Inyo mwamerie kughuda! Mwamerie kuwuya wazuri wa mali! Mwamerie kuwuya wazuri msekwanye nesi! Na loli kumangu mwabonya nguma, dipate kubonya nguma andwamweri nenyo.

2 WAKORINTHO 4:7

Ela deko na mali ihi andenyi kodu isi diko sa vombo va wongo; eri rija ndighi mbaa richumbie ripate kuwoneka kukaia ni ra Mlungu, hata si redu ringi anduangi.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

2 PETRO 2:19

Wawilaghira wuhuru, ngelo awo weni wiko wuzumbenyi ghwa wuwiwi; angu icho chose chimsimagha mundu, chadammbika wuzumbenyi.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 3:17

Angu oho kwaghamba, ‘Ini nawadie mali, nachurikie hata sine haja na kilambo chingi;’ kusemanyagha kukaia oho ko mundu wa wasi, owasira wughoma, mkiwa, kitungure, na kuko duu.