MAKATANISHO 13:13 - Biblia Ilagho Jiboie Kwa Wandu Wose

¹³ Mundu omenya malagho, wadakutotesha moni, ela uo utalagha malaghiro, uchapata malipo.

MAKATANISHO 13:13 ပူးပေါင်းရင်းမြစ်များ

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

ZABURI 115:13

Uchawirasimia awa wimuobuagha BWANA, watini na wabaa wori.

ZABURI 119:165

Awandu wiikundagha sharia yako, weko na sere mbaa; ndekuwadie kindo chingi chidimagha kuwikuwisha anduangi.

ZABURI 19:11

Ghanifundisha ini mdumiki wako; ngaghiwadia nichapata mafungu mabaa.

ZABURI 19:12

Nani udimagha kughimanya makosa ghake? Kunilekie makosa ghivisikie kwapo ee BWANA.

KUFUMA 9:20

Niko awo wereobueghe ilagho ja BWANA wa awo wadumiki wa Farao, wikawibonya wazumba wawo, na mfugho rawo wikimbie cha nyumbenyi.

MAKATANISHO 1:25

Ndemuwuetala njama rapo rose hata ndemuwuewusa mawonyero ghapo.

MAKATANISHO 13:12

Isuwirio jikasia, ngolo yadawuya mkongo; bea ikakatishwa, ni sa mudi ghwa irangi.

MAKATANISHO 13:21

Wakaung'a wadanughwa ni wasi kula andu, ela wahachi wadapata mafungu mecha.

MAKATANISHO 16:20

Mundu usikiriagha mafundisho uchakaia nicha; uo umrumiriagha BWANA uchaboilwa.

MAKATANISHO 19:16

Mundu uwadiagha malaghiro, wadalindia irangi jake; uo umenyagha uchafwa.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

JEREMIA 43:2

Azaria mwana wa Hoshaia, na Johanani mwana wa Karea, na wandu wose wikudukie wikanizera, “Kuaghora tee. BWANA Mlungu odu ndekudumie kudizere diseghende Misri kukaia aho;

EZEKIELI 20:13

Ela hata ahoeni kireti, wandu wa Israeli werenileghieghe; wikalemwa ni kuiwadia memu yapo, wikarilegha sharia rapo wori, iro mundu ukariwadia ukaiagha moyo, na Sabato rapo wikarilusha nandighi. Niko ngawona niwikabe ahoeni kireti, na kuwimeria putu.

EZEKIELI 20:16

angu wileghie memu yapo, na kuleghaenda kwa sharia rapo; wikarilusha Sabato rapo, kwa kukaia werenughieghe milimu yawo ngolonyi kwawo.

EZEKIELI 20:24

angu wiserewadieghe mafundisho ghapo, hata kurinugha sharia rapo; wikarilusha Sabato rapo, na kuitasa milimu ya weke ndee.

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

MITALO 15:31

Angu wajimenya ilagho ja BWANA, na kurinona sharia rake. Mundu uo uchainjwa putu kufuma kwa wandu, nao uchaduka ikosa jake moni.”

MATHAYO 5:12

Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.

LUKA 16:31

Abrahamu ukamzera, ‘Ngera wisewisikiragha Musa na walodi, hata ukaruka mundu kufuma kwa wafu, ndewichaaghaluka anduangi.’”

2 JOHANE 1:8

Mkuzighane mmbeni, eri mselaghashe icho morechidumikieghe, ela mpate mafungu ghikatie.