MAKATANISHO 11:5 - Biblia Ilagho Jiboie Kwa Wandu Wose

⁵ Wuloli ghwa mundu ghwadamghenja nicha, ela mundu mmbiwi wadaghushwa ni wuwiwi ghwake.

MAKATANISHO 11:5 ပူးပေါင်းရင်းမြစ်များ

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

AYUBU 18:7

Milambo yake iko na ndighi yawunjwa minyonge; waghushwa ni mipango yake moni.

MAKATANISHO 1:18

ela awo wandu waawuyakudeghia shaghala weni; shaghala ichaawibwagha weni.

MAKATANISHO 11:3

Wandu wecha wadalongozwa ni wucha ghwawo, ela kusowa wuloli kwa wandu wikalie kuchawitotesha.

MAKATANISHO 12:3

Wuwiwi ndeghutesiagha mndungi, ela mhachi ndenyavurikagha jingi.

MAKATANISHO 13:6

Hachi yadamlindia mundu mucha, ela wuwiwi ghwadamghusha mkaung'a.

MAKATANISHO 14:32

Mmbiwi wadanonwa ni agho mawiwi ughibonyere, ela mundu wa hachi wadalindilwa ni wucha ghwake.

MAKATANISHO 15:19

Mighendo ya mghadi kari kose ni ya wasi; mighendo ya mundu mucha ndeiwadie wasi ghungi.

MAKATANISHO 21:29

Mundu mmbiwi wadakubonya wei uabonya kazi, ela mundu mucha wadabonya agho ughipimie nicha.

MAKATANISHO 28:18

U mundu ughendagha nicha uchakirwa, ela uo ulagharie kwa chia rake uchawuduka kinenyi.

MAKATANISHO 3:6

Kum'bonye BWANA uwoneke kwa chia rako rose, nao uchakughenja nicha.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

HOSEA 5:5

Kukukasa kwa wandu wa Israeli kwawuyawishuhudia. Kaung'a rawo rawikuwara wikaghwa, na wandu wa Juda wori wichaghwa chiaimweri.

WATANYI 20:41

Niko wandu wa Israeli wikawighalukia, na Wabenjamini wikafwa ngolo; kwa kukaia werewonieghe angu wachelwa ni mashaka.