MAKATANISHO 11:24 - Biblia Ilagho Jiboie Kwa Wandu Wose

²⁴ Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.

MAKATANISHO 11:24 ပူးပေါင်းရင်းမြစ်များ

2 MALAGHO GHA NGELO 31:10

Mkohani M'baa Azaria uo orekoghe wa kivalwa cha Zadoku ukamtumbulia, “Kufuma wazoya kureda michango Hekalunyi, dajie dikaghuda, dikasigara kwa wungi; dasigharika na vindo vilazi angu BWANA uwirasimie wandu wake.”

ZABURI 112:9

Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

MAKATANISHO 11:18

Mundu mmbiwi wadapata mafungu gha mikalo yake, ela uo ubonyagha hachi oko na loli epata mafungu mecha.

MAKATANISHO 11:23

Kukunda kwa mundu wa hachi kwadasia kwa wucha, ela kusuwiria kwa mmbiwi kwadatua na machu.

MAKATANISHO 11:25

Mundu unekagha wandu, uchafughishwa; uo uhoreshagha wandu nao moni uchahoreshwa.

MAKATANISHO 13:7

Mndumu uakubonya mzuri wa mali, usewadie kindo chingi; umu uakubonya mkiwa, sena uko na mali nyingi.

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MAKATANISHO 28:27

Uo uwinekagha wakiwa, ndechaasowa kindo chingi; ela uo usemzighanagha mkiwa, uchawasirwa njowe ni wandu wengi.

MAKATANISHO 28:8

Mundu uchuriagha mali rake kwa kuvara fwaida, uamtumbanyira mundu uko na wughoma na wakiwa.

MCHILI 11:6

Waa mbeu rako nakesho, na luma lwa kenyi wori. Ndekumanyagha ni riao rikaiagha nicha, ngera ni iri angu ni rija.

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

MALAKI 3:8

Welee, mdamu wadima kumuiwia Mlungu? Ela inyo mwaawuyaniiwia, na kughamba, ‘Dawuyakuiwia wada?’ Ni kwa wundu ghwa ifungu jenyu ja ikumi na mafunyo ghenyu.

LUKA 6:38

nekenyi wandu, nenyo mchanekwa kipimo kicha, chichandirilo na kusughuswa, hata chidike-dike; niko wichaamneka huwo. Angu kipimo mpimagha, nicho cheni mchaapimilwa.”

WUKUMBUSO 15:10

Kumneke duu kwa ngolo yose; angu kwa ilagho iji, BWANA Mlungu wako uchakurasimia kwa kazi rako rose kuribonyagha.