MAKATANISHO 11:10 - Biblia Ilagho Jiboie Kwa Wandu Wose

¹⁰ Wahachi wikapata mecha muzi ghwadakaia na kuboilwa; wawiwi wikatota wandu wadazuma.

MAKATANISHO 11:10 ပူးပေါင်းရင်းမြစ်များ

2 WAZURI 11:20

Wandu wose isangenyi wikaboilwa nandighi; muzi ghose ghukakaia na sere nyuma ya Athalia kubwaghwa aho ngomenyi ya mzuri.

2 MALAGHO GHA NGELO 23:13

hata iji wazighana, ukammbona mzuri uko kimusi andu kongiria kaavui na nguro yake na wabaa wa vilongozi na wakabi tarumbeta, wikwanye na mzuri, na wandu wose wa isanga wikizuma na kukaba tarumbeta, na wabori wiko na vombo vawo vebora wikilongoza agho makaso. Athalia ukarashua nguwo rake ukakema, “Ni sheshe! Ni sheshe!”

2 MALAGHO GHA NGELO 23:21

Niko waisanga wose wikazuma, na muzi ghukahoa nyuma ya Athalia kubwaghwa.

AYUBU 27:23

Mbeo yamrumia ukikimbia; yammbinga noko ikimrumia.

KUFUMA 15:21

Miriamu ukawiboria, “M'borienyi BWANA angu wabonya wusimi m'baa; farasi na mjoki farasi wake wawikumba baharinyi.”

MAKATANISHO 11:11

Muzi ghwadakaia m'baa kwa kurasimilwa ni wahachi, ghwadanonwa ni madedo gha wawiwi.

MAKATANISHO 28:12

Mundu wa hachi ukasima, wandu wadazuma; ela mundu uzamie ukabonya nguma wandu wake wadakuvisa.

MAKATANISHO 28:28

Wandu wizamie wikakabonya nguma, wandu wadakuvisa, ela wikatota, wandu wa hachi wichabonya nguma.

MAKATANISHO 29:2

Wandu wa hachi wikakabonya nguma wandu wadazuma; ela wandu wizamie wikakabonya nguma wandu wadakaia na wasi.

JEREMIA 51:48

Aho niko mlungunyi na ndoenyi, na vose viko andenyi yaro, vichabora kwa kuboilwa aighu Babuloni: kwa kukaia wanoni wichawichea kufuma kaskazinyi.

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.