MAKATANISHO 10:6 - Biblia Ilagho Jiboie Kwa Wandu Wose

⁶ Mhachi wadarasimilwa, ela madedo gha mmbiwi ghadareda wuda.

MAKATANISHO 10:6 ပူးပေါင်းရင်းမြစ်များ

ESTA 7:8

Nao mzuri ukawuya sena chumbenyi andu werekoghe wikinywa divei, ukamkua Hamani wakukumba andonyi kochinyi kwa Esta; ukaghora kwa lwaka, “Wele ngai, umundu ookunda kumdidika malkia imbiri yapo, sena andenyi ya ngome yapo!” Mzuri usendeemeria kudeda woruwo, weke kolowi wikamfinikira chongo Hamani.

AYUBU 29:13

Mundu orekoghe kaavui na kufwa orenirasimieghe; ngam'bonya muka mkiwa ubore kwa kuboilwa.

ZABURI 107:42

Wahachi wawonie na kuboilwa, na wawiwi wanyamirwa.

MAKATANISHO 10:11

Madedo gha mhachi ni ndoria ya irangi, ela madedo gha mmbiwi ghadareda wuda.

MAKATANISHO 10:5

Mwana ukuwidagha na sumesu, oko na suku, ela uo ulalagha ngelo ekuwida uafusha waya.

MAKATANISHO 11:26

Mundu ulegheriagha viro wadaewelwa ni wandu, ela uhu uuzagha wadarasimilwa.

MAKATANISHO 24:25

Ela awo wimkemiagha mmbiwi wichaboilwa; wichapata marasimio mecha.

MAKATANISHO 28:20

Mundu uko mloli uchachulwa ni marasimio, ela uo ukundagha kufugha shwa-shwa ndechaasowa adhabu.

MAKATANISHO 3:33

BWANA wadaiwasira mizi ya wawiwi njowe! Ela wadairasimia mizi ya wahachi!

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

OBADIA 1:10

“Kwa kukaia kwawisokie na kuwibwagha wanyinyu, awo wana wa Jakobo, kuchatoteshwa na kusowelwa ishima kwa kala na kala.

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WUKUMBUSO 28:2

Na agha marasimio ghose ghichumbie mchaghipata iji mwamsikira.