MAKATANISHO 10:19 - Biblia Ilagho Jiboie Kwa Wandu Wose

¹⁹ Malagho ghikakaia mengi, ndeghisowagha kaung'a; mundu usededagha malagho mengi oko na hikima.

MAKATANISHO 10:19 ပူးပေါင်းရင်းမြစ်များ

AYUBU 11:2

“Malagho mengi huwu ghadima kukaia ghisetumbulilwagha? Mundu wa malagho mengi huwu wadima kutalwa kukaia na hachi?

ZABURI 39:1

Nereghambieghe, “Nichakulindia nisebonye kaung'a, kwa madedo ghapo; nichanyama kima ngelo rose wawiwi wiko kaavui nani.”

MAKATANISHO 11:12

Mundu ummenyagha mmbao, oosowa akili, ela mundu uelelo wadanyama kima.

MAKATANISHO 11:13

Mundu osongoda-songoda ndelindiagha malagho, ela mundu uelelo, wadanyamia malagho.

MAKATANISHO 12:23

Mundu uko na suku ndekuwonyeragha moni, ela wakelu wadaeresha wukelu ghwawo.

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

MCHILI 5:1

Kukakaghenda Hekalunyi kukulindie. Ba kughenda aho kukufundishe, kuchumba kufunya vizongona sa wakelu wisemanyagha mecha na mawiwi.

MCHILI 5:2

Kusakededa kusepimie, hata kusebonye malaghiro kwa Mlungu shwa-shwa. Mlungu wadakaia mlungunyi, na oho kwadakaia ndoenyi; kwa huwo kusedede malagho mengi.

MCHILI 5:3

Ndodo rizamie radaredwa ni kusumbukia maza nyingi, na madedo mengi ghadareda wukelu.

JAKOBO 1:19

Manyenyi ilagho iji wanidu nimkunde: kula mundu ndekaie uangue kwa kusikira, ela ukaie wa mboa kwa kudeda, na wa mboa kwa kujokwa ni machu;

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.