MAKATANISHO 10:1 - Biblia Ilagho Jiboie Kwa Wandu Wose

¹ Agha ni makatanisho gha Solomoni: Mwana uko na hikima wadam'bonya ndee uboilo, ela mwana mkelu, wadamredia mae wasi.

MAKATANISHO 10:1 ပူးပေါင်းရင်းမြစ်များ

1 WAZURI 4:32

Ukadunga makatanisho elfu idadu, na chumbo elfu imweri na isanu.

MAKATANISHO 1:1

Agha ni Makatanisho gha Solomoni mwana wa Daudi, mzuri wa Israeli:

MAKATANISHO 13:1

Mwana uko na hikima wadasikira mafundisho gha ndee, ela uo umenyagha, ndesikiragha kuja kukanilwa.

MAKATANISHO 15:20

Mwana uko na hikima, wadaredia ndee kuboilwa, ela mkelu wadammenya mae.

MAKATANISHO 17:21

Mwana mkelu ni wasi kwa ndee; ndee wa mkelu ndewadie kuboilwa kungi.

MAKATANISHO 17:25

Mwana mkelu ni wasi kwa ndee, na luwawo kwa mae.

MAKATANISHO 19:13

Mwana mkelu wadamnona ndee, muka orashana ni sa machi ghitonyaa-tonya tuli tuli.

MAKATANISHO 25:1

Agha ni makatanisho gha Solomoni wokoni, gherebonyeroghe kopi kotinyi ni wandu wa Hezekia mzuri wa Juda.

MAKATANISHO 27:11

Mwana wapo, kukaie na hikima; kunibonye nikaie na kuboilwa, eri mndungi ukakanimenya nidime kumtumbulia.

MAKATANISHO 29:15

Zobo na mawonyero ghadareda hikima; ela mwana ukasighwa moni uafusha mae waya.

MAKATANISHO 29:17

Mfundishe mwana wako, nao uchakuneka kuhora; na oho kuchaboilwa ngolonyi.

MAKATANISHO 29:3

Uo ukundagha hikima wadam'boia ndee, ela uhu ukanyagha na malaya wadanona mali rake.

MCHILI 12:9

Kwa kukaia Mchili orekoghe na hikima, ukachuria kuwifundisha wandu agho oreghimanyireghe. Orekufundishireghe mifwano na kuzighana wuloli ghwaro nicha.

MCHILI 2:19

Na nani umanyagha ngera uo mundu uchakaia wa hikima angu mkelu? Sena huwo nuo moni uchaakaia m'baa wa maza rose niribonyere kwa kufunga ndighi ngitumia hikima yapo wurumwengunyi. Iri naro ni maza ra duu.