MAKATANISHO 1:31 - Biblia Ilagho Jiboie Kwa Wandu Wose

³¹ Kwa huwo mchaja matunda gha mighendo yenyu na kukatwa ni mipango yenyu cheni.

MAKATANISHO 1:31 ပူးပေါင်းရင်းမြစ်များ

AYUBU 4:8

Ini seji niwonie, awandu wilimagha wuwiwi, na kuwa wasi, wadakuwida agho gheni.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

MAKATANISHO 12:14

Mundu wadapata mecha kunughana na madedo ghake, sa iji koni upatagha mafungu gha kazi yake.

MAKATANISHO 13:2

Mundu wadapata mecha kunughana na madedo ghake, ela mundu ukalie, wadakunda wuda.

MAKATANISHO 14:14

Mundu mmbiwi uchaja matunda gha mabonyo ghake, na mundu uboie uchaja matunda gha mabonyo ghake.

MAKATANISHO 22:8

Mundu ukawa kusowa hachi, uchakuwida wasi, na kukoronga wambenyu kuchasia.

MAKATANISHO 5:22

Mundu mmbiwi wadawadwa ni makosa ghake moni, na kumazirwa ni nyavu ya kaung'a rake reni.

MAKATANISHO 5:23

Wadafwa kwa kulegha mawonyero, na kulaghaya kwa wundu ghwa wukelu ghwake m'baa.

MAKATANISHO 8:36

Ela mundu ukanisowa, uakuvavira moni; wose wizamilwagha ni ini, weekunda kufwa.”

ISAYA 66:4

Ini wori nichawisaghuya matiriro ghewingira wowa, kwa kukaia iji nerewiwangieghe ungi wawo nderedikieghe; iji nereghorieghe nawo ndekuwadie ungi orenisikireghe, ela werebonyereghe agho ghiko mawiwi imbiri kwapo, na kusaghua maza riseniboiagha.”

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 21:14

Nichakukaba kunughana na mabonyo ghako ghizamie, nichakora modo andenyi ngome yako na kutotesha kula kilambo chiko mbai-mbai yake.”

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”