MAKATANISHO 1:25 - Biblia Ilagho Jiboie Kwa Wandu Wose

²⁵ Ndemuwuetala njama rapo rose hata ndemuwuewusa mawonyero ghapo.

MAKATANISHO 1:25 ပူးပေါင်းရင်းမြစ်များ

2 MALAGHO GHA NGELO 33:10

BWANA ukaghora na Manase, na wandu wake, ela ndeweresikireghe.

2 MALAGHO GHA NGELO 36:16

Ela wikakaia wikiwiseka wadumwa wa Mlungu kwa lumenyo, wikamenya malagho ghake na walodi wake; hata BWANA ukajokwa ni machu nandighi aighu ya wandu wake, na wutesia ghungi ghukasoweka.

ZABURI 107:11

angu wereleghieghe malagho gha Mlungu, na kuimenya njama ya Uo-Uko-Aighu-Nandighi.

ZABURI 81:11

“Ela wandu wapo ndewerenisikireghe, Israeli nderenitalieghe anduangi.

MAKATANISHO 1:30

Moreleghieghe njama rapo, mkamenya kukania kwapo.

MAKATANISHO 12:1

Uo ose ukundagha kumanya, wadaboilwa ni kuwonyerwa makosa. Mundu uzamilwagha ni kufunywa makosa, ni mkelu.

MAKATANISHO 15:10

U mundu usighagha chia ya Mlungu uchapatwa ni ikabo ibaa; mundu uzamilwagha ni kuwonyerwa makosa uchafwa.

MAKATANISHO 5:12

Kuchaghamba, “Kwaki nereleghagha kusikira! Kwaki neremenyagha kukanilwa!

MAKATANISHO 8:14

Nawadie njama na hikima ndicha; nawadie suku, sena neko na ndighi.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

LUKA 7:30

Ela Mafarisayo na walimu wa Sharia wereleghieghe ugho mpango ghwa Mlungu, kwa wundu ghwawo, wikalegha kubaputizwa ni Johane.

WUKUMBUSO 1:45

Niko mcheewuya mkawoka kumlilia BWANA, ela BWANA ndemcheesikira hata kumzighana anduangi.

1 SAMUELI 8:18

Ngelo iyo mchalalamika kwa wundu ghwa mzuri onyu uo moremsaghueghe mmbeni; ela BWANA ndechaamtumbulia ituku ijo.”