LUMBO 7:9 - Biblia Ilagho Jiboie Kwa Wandu Wose

⁹ Momu ghwako ghooka sa divei iboie kuchumba. Divei ndeimilike nicha kwa mkundwa wapo ikiidia momunyi na magheghonyi.

LUMBO 7:9 ပူးပေါင်းရင်းမြစ်များ

MAKATANISHO 16:24

Madedo ghiboie gheeka sa mando gha choki, ghareda kusinga rohonyi na wubanana mumbinyi.

MAKATANISHO 23:31

Kusakeizighana seji itinikie ikichemka kikombenyi, na seji imilikagha nicha cha kifunyi.

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

LUMBO 5:16

Oosingwa ni malagho, nao ni mundu ukundikie. Uo nuo mkundwa wapo na mghenyi wapo, ee waka wa Jerusalemu.

LUMBO 5:2

Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

WAROMA 13:11

Chiaimweri na agho, inyo mwamanya ihi ni ngelo ifwane wada; kukaia ni ngelo yavika ya inyo kuwuka kufuma dilonyi. Angu kukia koko kaavui kodu idana kuchumba ngelo iyo derezoeghe kurumiria.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WAKOLOSAI 4:6

Madedo ghenyu ghikaie gha mvono ngelo rose, sa vindo vilungilo na munyu, mpate kumanya seji imfwane kumtumbulia kula mundu.

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”