LUMBO 7:4 - Biblia Ilagho Jiboie Kwa Wandu Wose

⁴ Singo yako eeka sa mnara ghwa mbembe ra chovu, Meso ghako gheeka sa viriwa va muzi ghwa Heshboni, kaavui na iro mbenge ra ugho muzi m'baa. Mbua yako eeghoka sa mnara ghwa Lebanoni ghulangayagha Dameshki.

LUMBO 7:4 ပူးပေါင်းရင်းမြစ်များ

KUZOYA 15:2

Ela Abramu ukaghamba, “Ee BWANA Mlungu, kuninekaki, nani siwadie wana; mundu oja ifwa japo ni uhu Eliezeri Mdamasko?”

2 SAMUELI 8:6

Niko Daudi ukaagha ngome aho Aramu ya Dameshki, na Wasiria wikawuya wadumiki wa Daudi, wikakaia wikilipa kodi kwake. BWANA ukamneka Daudi wusimi andu uko kose oreghendieghe.

1 WAZURI 10:18

Wokoni mzuri ukabonya kifumbi cha nguma kibaa cha mbembe ra chovu; ukachikanda dhahabu ielie naighu.

1 WAZURI 10:22

Mzuri orekoghe na meli ra biashara rerekoghe rikidambanya baharinyi na meli ra Hiramu. Indo jimweri kula miaka idadu rerekoghe rikireda dhahabu, na feza, na mbembe ra chovu, na fuwe, na sawau.

1 WAZURI 22:39

Malagho ghose Ahabu oreghibonyereghe, na ija nyumba oreiaghieghe ya mbembe ra chovu; na mizi yose oreiaghieghe ghaandikilo andenyi ya Chuo cha Malagho gha Ngelo cha wazuri wa Israeli.

1 WAZURI 7:2

Chumba kibaa cha Msidu ghwa Lebanoni cherekoghe na wulacha ghwa meta mirongo ina na inya, na wushapa ghwa meta mirongo iwi na iwi, na wuighu ghwa meta ikumi na idadu na pointi isanu. Chereaghiloghe na nguro ra misida ra laini inya na mikabo ya misida.

1 WAZURI 9:19

chiaimweri na iro nganya rose ra mzinyi Solomoni orekoghe naro, na mizi ya magare ghake, na farasi rake, na icho chose Solomoni orekundieghe kuchiagha Jerusalemu na Lebanoni na kwa masanga ghose orekoghe ukighibonyera nguma.

2 MALAGHO GHA NGELO 8:6

Ukaagha na muzi ghwa Baalathi, na mizi yake yose ya nyumba rewika vilambo, na mizi yose ewika magare ghake gha chuma, na mizi ewika farasi rake, na icho chose Solomoni orekundieghe kuagha Jerusalemu, na Lebanoni, na isanga jose orekoghe ukibonya nguma.

ZABURI 144:12

Wana wedu wa womi ndewikaie sa miwalwa izoghue kwa wudawana ghwawo; wai wedu ndewikaie sa nguro ra mbembenyi riboisiro riaghe ngome ra wazuri.

ZABURI 45:8

Marwao ghako ghanuka marumba gha manemane, uudi na mdalasini. Kwadaboilwa ni chwaka ra zeze, rikabwagha andenyi ya ngome ra wazuri; riaghilo na mbembe ra chovu.

LUMBO 1:10

Iridia jako jaghokie jiseagha madumbunyi kwako, jaidia singonyi kwako sa lulu.

LUMBO 4:1

Kwaghokie kwaki huwu mkundwa! Meso ghako gheeghoka sa gha iringo a pazienyi kwako. Iridia jako jaawuyamichika sa iranu ja mburi, riseagha a lughongonyi lwa Gileadi.

LUMBO 4:4

Singo yako eeka sa mnara ghwa Daudi, ghuaghilo kwa wundu ghowika maswagha, andu ngao elfu riadikwagha naro rose ni ngao ra mang'oni.

LUMBO 4:5

Nyodo rako iwi reeka sa masa gha shaa; wijagha a mboinyi.

LUMBO 6:5

Lekanizighana; meso ghako ghaawuyaniwada ngolo; iridia jako jiawoneka sa chagha cha mburi, chiseagha mighondinyi ya Gileadi.

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.