LUMBO 6:4 - Biblia Ilagho Jiboie Kwa Wandu Wose

⁴ Mkundwa wapo kooghoka sa muzi ghwa Tirza, wa lukundo sa muzi ghwa Jerusalemu; wa wubaa sa ijeshi jiwusiragha viweto.

LUMBO 6:4 ပူးပေါင်းရင်းမြစ်များ

1 WAZURI 14:17

Niko mka-Jeroboamu ukawuka, ukaghenda na kuvika Tirza. Hata iji wawadia kizingiti cha mnyango ghwa nyumba, uja mwana ukafwa.

1 WAZURI 15:21

Baasha uendasikira malagho agho, ukasigha kuagha aja Rama, ukaghenda Tirza.

1 WAZURI 15:33

Mwaka ghwa kadadu ghwa kubonya nguma kwa Asa mzuri wa Juda, Baasha mwana wa Ahija orewurieghe mzuri aighu ya Israeli yose. Ukabonya nguma Tirza kwa miaka mirongo iwi na inya.

ZABURI 48:2

Ugho mghondi ghwa Sioni, ghuko cha kaskazinyi, ghwawukie ighu; ghwaghokie, nagho ni muzi ghwa Mzuri m'baa, ghuredagha kuboilwa ndoenyi kose.

ZABURI 48:3

Mlungu wakuwonyera moni kukaia mlindiri wa loli andenyi ya ngome ra ugho muzi.

ZABURI 50:2

Mlungu wang'ala-ng'ala kufuma Sioni, ugho muzi ghughokie putu.

LUMBO 1:15

Kwaghokie kwaki huwu mkundwa! Kwaghokie nao! Meso ghako gheeghoka sa gha iringo.

LUMBO 1:5

Inyo waka wa Jerusalemu, ini ne wa chilu ela nifwano; neeka wa chilu sa hema ra Kedari, nighokie sa pazia ra hema ra Solomoni.

LUMBO 2:14

Kooka sa mbughi ikuvisire lukororonyi, leka niwone wushu ghwako ghughokie, nisikire lwaka lwako lusingie.

LUMBO 4:7

Kwaghokie kwaki huwu mkundwa; ndekuwadie kakana ingi.

LUMBO 5:2

Nerekoghe nilale, ela ngolo yapo ikakaia ilave; ngasikira mkundwa wapo ukikaba mnyango. Nirughue wangolo, mkundwa wapo mbughi yapo; nashushurilwa, na iridia japo jawada machi.

LUMBO 6:10

Nani uhu kuzighana kwake kuko sa kuela kwa ndoe; ughokie sa mori, na kung'ala-ng'ala sa iruwa; kuoboshagha wandu sa ijeshi jiwusiragha viweto?

KILILO CHA JEREMIA 2:15

Wandu wawuyaida kaavui na muzi waawuyakuzighana kwa lumenyo. Wasughusa vongo vawo na kuseka kunoneka kwa Jerusalemu. Wakotia “Welee, ughu ni ghuja muzi ghoni ghorekoghe ghughokie? Nigho ghoni wurumwengu ghorekukasagha nagho?”

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

2 WAKORINTHO 10:4

Maswagha dawuyalwa nagho, si gha kiwurumwengu; ela gheko nandighi ra Kimlungu revuchua ngome.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.