LUMBO 4:9 - Biblia Ilagho Jiboie Kwa Wandu Wose

⁹ Kooningia ngolonyi putu wangolo, bibi arusi wapo; kuzighana kwako kwadameria ngolo yapo; kuwona lulu imweri ya lukange lwako kwadanimeria wangolo.

LUMBO 4:9 ပူးပေါင်းရင်းမြစ်များ

KUZOYA 20:12

Ela kwa loli ni mwanidu, aba ni umweri ela mae ni mzima; niko nimlowue.

KUZOYA 41:42

Niko Mzuri ukaifunya pete ya muhuri kufuma chalenyi kwake, ukamngira Josefu chalenyi kwake, ukamrusha na marwao ghiboie gha kitani wori, na mkufu ghwa dhahabu singonyi kwake.

ZABURI 45:9

Aghadi ya waka wa ishima wiko mezenyi kwako, wamu wawo ni wai wa wazuri; malikia oko kimusi chia ya mkonu ghwa kiwomi ghwa kifumbi chako cha nguma, urwae dhahabu ielie nandighi.

MAKATANISHO 1:9

mafundisho ghawo ghichabonya tabia yako ikaie sa kiremba chighokie chongonyi kwako, na sa mkufu singonyi kwako.

MAKATANISHO 6:25

Kusekunde kuja kughoka kwake, hata kusewado ni kuzighana kwake.

LUMBO 1:10

Iridia jako jaghokie jiseagha madumbunyi kwako, jaidia singonyi kwako sa lulu.

LUMBO 1:15

Kwaghokie kwaki huwu mkundwa! Kwaghokie nao! Meso ghako gheeghoka sa gha iringo.

LUMBO 3:11

Inyo waka wa Sioni, choonyi mmbone Mzuri Solomoni seji warushwa kirumbu ni mae; ituku ja arusi yake, ijo ituku ja kuboilwa kwake.

LUMBO 4:10

Lukundo lwako lwadanisingia kuchumba bibi arusi wapo, lwaboie kuchumba divei. Marumba ghako ghachumba ghose.

LUMBO 4:12

Wangolo, bibi arusi wapo, ko mbuwa irighilo isanju, na ndoria irighilo andenyi.

LUMBO 6:12

Imbiri niseiwonie, ngachelwa ni bea ewona magare gha kiwuzuri gha wandu wapo, wei neekanya na m'baa wapo aighu igarenyi.

LUMBO 6:5

Lekanizighana; meso ghako ghaawuyaniwada ngolo; iridia jako jiawoneka sa chagha cha mburi, chiseagha mighondinyi ya Gileadi.

LUMBO 7:10

Ini ne wa mkundwa wapo, na bea rake rose reeka cha kwapo.

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

EZEKIELI 16:11

Ngakupamba kwa lulu; ngakurusha bangili mkonunyi kwako, na mkufu singonyi kwako.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

DANIELI 5:7

Mzuri ukakema kwa lwaka; ukalomba wasawi, na Wababuloni, na wamanyi wa nyerinyeri wiredo. Ukawizera wandu wa hikima wa Babuloni, “Mundu uo ose uchaashoma maandiko agha, na kunighoria kutambushira kwaro, ucharushwa marwao gha zambarau, na kungirwa mkufu ghwa dhahabu singonyi kwake; nao uchakaia mundu wa kadadu kwa wuzuri ghwapo.”

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

MATHAYO 12:50

Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

1 WAKORINTHO 9:5

Ndediko na hachi enughana na muka urumiriagha, karakara na wadumi wazima, na waruna Bwana, na Kefa anguwada?

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.