LUMBO 4:6 - Biblia Ilagho Jiboie Kwa Wandu Wose

⁶ Nichaghenda cha mighondinyi ya manemane, iyo mighondi ya marumba, hata ndoe iele na kira kusia.

LUMBO 4:6 ပူးပေါင်းရင်းမြစ်များ

ZABURI 66:15

Nichakufunyira vizongona vekora vinorie, nichakufukiria vizongona va bauru, na va njau, na va mburi.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

KUFUMA 30:8

Sena uchabonya woruwo ngelo ekora taa luma lwa nakenyi. Ifunyo iji jekora marumba imbiri ya BWANA jichakaia ja toe vivalwa venyu vose.

KUFUMA 37:29

Wokoni ukabonya mavuda gha wueli gheshinga wandu, na marumba ghiranganyiro, ghiboie, ghinukie nicha.

LUMBO 2:17

Wuya mkundwa kukaie hata ndoe iele; na kira kusia kaia sa shaa angu sarigha aighu ya mighondi iwukie na kusea.

LUMBO 3:6

Nani uhu ujokagha kufuma kireti sa nguro ya mosi, ushingilo marumba gha manemane, na ubani, agho marumba ghiuzwagha ni wandu wa biashara?

LUMBO 4:14

nardo na zafarani, kalamo na mdalasini; na midi yose ya marumba. Manemane, uudi, na kolezi valimwagha aho na midi yose ya marumba mecha.

LUMBO 8:14

Choo kwapo mkundwa; shashira kuche sa shaa angu sarigha ngoo, aighu mighondinyi andu vilungo vilimwagha.

ISAYA 2:2

Matuku ghichagha, andu Hekalu yawuyakaia, mghondi ghwaro ghuchakaia m'baa kuchumba mighondi yose; na mbari rose richaghughendia.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.

1 JOHANE 2:8

Ela sena namwandikia momu mmbishi ugho ghuko ghwa loli andenyi kwake, na andenyi konyu wori; kwa kukaia kira chaawuyaida, na mwengere ghwa loli ghwaawuyang'ala-ng'ala.

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.