LUMBO 2:9 - Biblia Ilagho Jiboie Kwa Wandu Wose

⁹ Mkundwa wapo ooka sa shaa, sa sarigha ngoo ya womi. Ola hoja kimusi lukumbinyi, waawuyasungia idirishenyi, uazighana a nyavunyi.

LUMBO 2:9 ပူးပေါင်းရင်းမြစ်များ

2 SAMUELI 2:18

Wana wadadu wa Seruia werekoghe aho, nawo ni Joabu, Abishai na Asaheli. Uo Asaheli orekoghe uangue sa shaa kwa iseghe.

MAKATANISHO 5:19

Wafwano! Ooka sa shaa na sarigha ya waka. Kukato ni lukundo lwake ngelo rose kwa kuboilwa; kari kose kubwagho meso ni lukundo lwake.

MAKATANISHO 6:5

Kukire sa shaa imkimbiagha mdiwi; sa nyonyi yawadwa ni mdiwi.

MAKATANISHO 7:6

Nerekoghe nyumbenyi kwapo aidirishenyi;

LUMBO 1:16

Nakumoni kwaghokie mkundwa wapo; kwaawuyaniboia loli loli. Nyasi mbishi richakaia wuli ghodu.

LUMBO 2:17

Wuya mkundwa kukaie hata ndoe iele; na kira kusia kaia sa shaa angu sarigha aighu ya mighondi iwukie na kusea.

LUMBO 2:7

Inyo waka wa Jerusalemu, namghemesha kwa shaa na weke mwakuli wa mlambenyi kukaia, msengirie lukundo lodu.

LUMBO 3:5

Inyo waka wa Jerusalemu, namghemesha kwa shaa na weke mwakuli wa mlambenyi kukaia, msengirie lukundo lodu.

LUMBO 8:14

Choo kwapo mkundwa; shashira kuche sa shaa angu sarigha ngoo, aighu mighondinyi andu vilungo vilimwagha.

LUKA 24:35

Nao waja wanughi wawi wikawighoria agho gherebonyekieghe chienyi, na seji weremmanyireghe nyuma ya uo kughuchikanya mkate.

JOHANE 12:41

Isaya oreghorieghe malagho agha angu oreghuwonieghe wubaa ghwa Jesu, nao ukaghora malagho ghake.

JOHANE 5:39

Mwadazighana-zighana Maandiko, mkiririkanya wei ghadima kumneka irangi ja kala na kala, nagho nigho ghinishuhudiagha ini;

JOHANE 5:46

Ngera loli modemrumiria Musa, kumangu mwanirumiria ini wori, kwa kukaia Musa oreandikieghe malagho aighu yapo.

1 WAKORINTHO 13:12

Angu idana daawuyawona a kilolenyi miramira; ela ngelo iyo, dichawona wushu kwa wushu. Ngelo ihi, naawuyamanya kutinieri; ela ngelo iyo, nichatambukilwa putu sa iji koni ini nimanyiro ni Mlungu.

WAKOLOSAI 2:17

Maza iri ni fwana ya iro maza richagha, ela wuloli ni ghwa Kristo.

WAEBRANIA 10:1

Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WATANYI 5:28

“Mae Sisera ukazighanira idirishenyi, ukazighanira idirishenyi ja chekecheke ukighamba, ‘Kwaki igare jake jamuka huwu? Kwaki tiri ra farasi risesikirikagha, na magare ghake ghisechagha?’