LUMBO 2:16 - Biblia Ilagho Jiboie Kwa Wandu Wose

¹⁶ Mkundwa ni wapo, na ini ne wake; wadalisha iranu jake aghadi ya mboi.

LUMBO 2:16 ပူးပေါင်းရင်းမြစ်များ

ZABURI 48:14

“Uhu Mlungu, ni Mlungu odu kwa kala na kala. Uchakaia ukidighenja kari kose.”

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

LUMBO 1:7

Nighorie mkundwa, ni hao kulishiragha ng'ondi rako? Kwaridimishiragha hao dime ghadi? Kwaki niendaakulola aghadi ya mfugho ra walisha wazima?

LUMBO 2:1

Ini ne mboi ya isakenyi ya Sharoni, ne mboi ya lili a vololonyi.

LUMBO 4:5

Nyodo rako iwi reeka sa masa gha shaa; wijagha a mboinyi.

LUMBO 6:2

Mkundwa wapo waasea cha mbuwenyi kwake, andu midi ya vilungo iwalo. Waawuyalisha mfugho rake ambuwenyi, na kuwaya mboi ra lili.

LUMBO 6:3

Uo ni mkundwa wapo, nani ne wake; wadalisha mfugho rake aghadi ya mboi ra lili.

LUMBO 7:10

Ini ne wa mkundwa wapo, na bea rake rose reeka cha kwapo.

LUMBO 7:11

Choo dighende cha shighadi ya muzi mkundwa; dilale mizinyi mitini.

LUMBO 7:13

Tunguja ranuka nicha, matunda ghose ghiboie gheeka kaavui mnyangonyi kodu; nakuwikia mawishi na gha kala mkundwa.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.