LUMBO 1:3 - Biblia Ilagho Jiboie Kwa Wandu Wose

³ Mavuda kukushingie ghanukie nicha; irina jako jeefwanana nagho; waka wose weekukunda.

LUMBO 1:3 ပူးပေါင်းရင်းမြစ်များ

ZABURI 133:2

Ni sa mavuda gha zoghori mbaa, ghidungilo chongonyi; ghiseagha sombenyi, iyo sombe ya Haruni, na kuida singo ya majoho ghake.

ZABURI 45:14

waghenjwa kwa mzuri urushiro marwao gha rangi nyingi; ukwanye na wawuchi wake, wai wielie; wimfumiragha kwake.

KUFUMA 33:12

Musa ukamzera BWANA, “Loli kwanizera niwilongoze wandu awa hata jija isanga, ela ndekunighorie uo mundu dichaakaianya ngiwilongoza; sena kwanizera wei kwaniichi na sena kwaboilwagha ni ini.

KUFUMA 33:19

BWANA ukamtumbulia, “Nichaghubonya wucha ghwapo ghose ghukirie imbiri kwako, nani nichajighora irina japo ja wueli ‘BWANA’ imbiri kwako. Nadawifuya wughoma na kuwiwonyera mvono awa niwikundagha.

MAKATANISHO 27:9

Mavuda na marumba, ghadaibonya ngolo iboilo; ela roho yadakaia na wasi ikapatwa ni malagho.

MCHILI 7:1

Sare iboie yachumba mavuda gha zoghori mbaa, na ituku jefwa jaboie kuchumba jevalwa.

LUMBO 3:6

Nani uhu ujokagha kufuma kireti sa nguro ya mosi, ushingilo marumba gha manemane, na ubani, agho marumba ghiuzwagha ni wandu wa biashara?

LUMBO 4:10

Lukundo lwako lwadanisingia kuchumba bibi arusi wapo, lwaboie kuchumba divei. Marumba ghako ghachumba ghose.

LUMBO 5:13

Madumbu ghake gheeka sa matuta gha vilungo, vifunyagha marumba mecha. Memu yake eeka sa mboi ra lili ritonyagha mavuda gha manemane.

LUMBO 5:5

Ngawuka nimrughue mkundwa wapo, mikonu yapo na vala vapo vikadatonya manemane ngimrughuya.

LUMBO 6:8

Mzuri ndekaie na weke malkia mirongo irandadu, na waka wekanya mirongo wunyanya, na wai wa irika wisene mtalo.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

MATHAYO 25:1

“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.

JOHANE 12:3

Nao Maria ukawada chupa ya marumba gha nardo nusu lita, nagho ni gha zoghori ya ighu na ndighi; ukamdiria Jesu maghu ghake, na kumuaghia kwa iridia jake. Nyumba yose ikanuka marumba mecha.

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;