LUKA 9:51 - Biblia Ilagho Jiboie Kwa Wandu Wose

⁵¹ Nao iji matuku ghalighisa gha uo kudwalwa mlungunyi, ukakata shauri eghenda Jerusalemu.

LUKA 9:51 ပူးပေါင်းရင်းမြစ်များ

2 WAZURI 2:11

Hata iji werekoghe wikidedanya, igare ja modo jikurudulwagha ni farasi ra modo jikacha na kuwitanya; Elija ukadwalwa cha mlungunyi kwa mbeo ya kikulukulu.

MARKO 16:19

Nao Bwana Jesu, nyuma ya kughora nawo ukadwalwa noko aighu mlungunyi, ukasea kidombo chia ya mkonu ghwa kiwomi ghwa Mlungu.

LUKA 12:50

Neko na wubaputizo nibaputizwagha nagho, nani naja wasi saki hata ghukatie!

LUKA 13:22

Nao Jesu ukaghenda chia yake, ukaida aghadi ya mizi mibaa na mitini, ukifundisha na kuchuria kughenda cha Jerusalemu.

LUKA 17:11

Nao iji Jesu orekoghe ukighenda Jerusalemu, oreidirieghe ghadi na ghadi ya Samaria na Galilaya.

LUKA 18:31

Nao Jesu ukawidwa wanughi wake kambai ukawizera, “Olenyi diajoka Jerusalemu, na agho malagho ghose ghiandikilo ni walodi aighu ya Mwana wa Mdamu ghichakatishwa.

LUKA 19:11

Nao iji wandu werekoghe wikimsikiria, Jesu ukachuria kuwighoria mfwano, angu orekoghe kaavui na Jerusalemu, nawo wereririkanyireghe angu ahoeni Wuzuri ghwa Mlungu ghuchawoneka shwa wori.

LUKA 19:28

Nao iji Jesu waghora agho, ukakiria imbiri kwawo kughenda Jerusalemu.

LUKA 24:51

Nao iji orekoghe ukiwirasimia, ukatana nawo, ukadwalwa noko aighu mlungunyi.

LUKA 9:57

Nao iji werekoghe wikighenda chienyi, mndumu ukamzera Jesu, “Nichakunugha andu kose kuchaaghenda.”

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 16:28

Ini nerefumieghe kwa Aba, ngacha wurumwengunyi; nani idana niaghusigha wurumwengu, na kuwuya kwa Aba.”

JOHANE 16:5

Ela idana niaghenda kwa uo orenidumieghe, hata ndekuwadie mndungi konyu unikotiagha, ‘Welee, kwenda hao?’

JOHANE 17:11

Idana niacha kwako, siko sena wurumwengunyi; ela awo weko wurumwengunyi. Aba Mweli, wilindie kwa irina jako ijo koreninekieghe, wipate kukaia kindo chimweri sa iji isi diko umweri.

JOHANE 6:62

Yakaiagha wada ngera modemmbona Mwana wa Mdamu ukijoka andu aja orekoghe koimbiri?

MABONYO GHA WADUMI 1:2

hata ituku oredwaloghe aighu mlungunyi nyuma ya kuwilaghira kwa Roho Mweli wadumi wake orewisaghueghe.

MABONYO GHA WADUMI 1:9

Uendaghora huwo, nawo wikimzighana, ukawusirwa noko ighu, ukadwalwa aighu mlungunyi, na iwingu jikamtuwiria wisemmbone sena.

WAEFESO 1:20

iro orerikatishireghe andenyi ya Kristo, iji oremrukishireghe kufuma kwa wafu, na kumsera kidombo chia ya mkonu ghwake ghwa kiwomi aho mlungunyi;

WAFILIPI 3:14

Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 6:20

andu Jesu uzoe ukakiria na kungia kwa wundu ghodu, uendawuya Mkohani M'baa wa kala na kala, kwa kunughishira wukohani ghwa Melkizedeki.

1 PETRO 3:22

uo umerie kughenda mlungunyi, nao oko chia ya mkonu ghwa kiwomi ghwa Mlungu; ukiwibonyera nguma weke malaika, na awo wibonyagha nguma na kudima.