LUKA 9:48 - Biblia Ilagho Jiboie Kwa Wandu Wose

⁴⁸ ukawizera, “Uo ose uchaammbusa mwanake uhu kwa irina japo, uaniwusa ini; na uo ose uniwusagha ini, uammbusa uo orenidumieghe. Angu uo uko mtini putu aghadi konyu, nuo moni m'baa.”

LUKA 9:48 ပူးပေါင်းရင်းမြစ်များ

MAKATANISHO 18:12

Mundu wadazoya ukukase imbiri useghue, ela kukusera kwadareda kunekwa ishima.

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

MATHAYO 18:14

Huwo koni Ndeyo onyu uko mlungunyi ndeboilwagha wei umu wa awa watini ulaghaye anduangi.

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 25:45

Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’

MARKO 9:37

“Uo ose uchammbusa mwana ungi sa uhu kwa irina japo, waniwusa ini, na uo ose uniwusagha ini-lee, ndeniwusagha ini anduangi, ela wammbusa uo orenidumieghe.”

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

LUKA 14:11

Angu uo ose ukujosagha moni uchaserwa, na uo ose ukuseregha moni, uchajoswa.”

LUKA 22:26

Ela konyu inyo ndemchaakaia huwo anduangi; angu uo uko m'baa konyu, uchakaia sa mtini, na kilongozi uchakaia sa mdumiki.

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

LUKA 7:28

Namghoria loli, “Kwa awa wose werevaloghe ni waka, ndekuwadie mndungi uko m'baa kumchumba Johane, ela sena uo uko mtini kwa Wuzuri ghwa Mlungu, oko m'baa kumchumba uo.”

JOHANE 13:20

Namghoria loli, Uo ummbusagha mndungi nimdumagha, uaniwusa ini, na uo uniwusagha ini, uammbusa uo orenidumieghe wori.”

JOHANE 14:21

Uo uiwadagha memu yapo na kuikatisha, nuo unikundagha; na uo unikundagha, uchakundwa ni Aba, na ini nichamkunda na kukuwonyera ini moni kwake.”

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

WUFUNUO 21:14

Wurigha ghwa muzi ghorekoghe na magho gha misingi ikumi na awi, na aighu yaro, korekoghe na marina ikumi na awi gha wadumi wa Mwana wa Ng'ondi.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.