LUKA 9:11 - Biblia Ilagho Jiboie Kwa Wandu Wose

¹¹ Na jija izungu ja wandu wiendamanya, wikamnugha. Jesu ukawikaribisha na kuwighoria malagho gha wuzuri ghwa Mlungu, ukawiboisa awo werekundieghe kuboiswa.

LUKA 9:11 ပူးပေါင်းရင်းမြစ်များ

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

MATHAYO 12:15

Jesu ukimanya ilagho ijo, ukafuma aja. Wandu wengi wikamnugha, ukawiboisa makongo ghawo ghose;

MATHAYO 14:14

Hata umeria kuvika pwani, ukawona izungu ibaa ja wandu ukawifuya wughoma, ukawiboisa wakongo wawo.

MATHAYO 21:31

Welee, kwa waja wana wawi ni uao ubonyere lukundo lwa ndee?” Wikatumbulia, “Ni uja wa imbiri.” Jesu ukawizera, “Namghoria loli, wawadi wushuru na malaya wamkiria kungia kwa wuzuri ghwa Mlungu.

MATHAYO 21:43

“Niko huwu namzera, Wuzuri ghwa Mlungu ghuchainjwa konyu ghuneko mbari zima ivagha matunda gharo.” [

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

LUKA 5:31

Nao Jesu ukawitumbulia, “Awa wiko banana ndewikunde mghanga ungi, ela ni awo wiko wakongo.

LUKA 8:1

Konyuma Jesu ukamara-mara mizinyi mibaa na mitini ukichila na kueresha Ilagho Jiboie ja Wuzuri ghwa Mlungu, na waja wanughi ikumi na wawi werekoghe aeni.

LUKA 8:10

nao ukawizera, “Inyo mwanekelo kurimanya ngasu ra Wuzuri ghwa Mlungu, ela kwa wazima radaghorwa kwa mifwano, wikizighana wisewone, sena wikisikira wisetambukilo.

LUKA 9:10

Waja wadumi wiendawuya, wikamghoria Jesu malagho ghose wereghibonyereghe. Jesu ukawidwa wiekeri na kuwighenja muzi ghuwangwagha Bethsaida.

LUKA 9:12

Ndoe iendawoka kuswa, waja wanughi ikumi na wawi wikacha wikamzera, “Aha diko ni kireti, na ndoe yalighisa kuswa, wizere wandu wighende noko cha mzinyi na nyumbenyi wikulolie weni vindo na andu kolala.”

LUKA 9:2

Ukawiduma kuchila Wuzuri ghwa Mlungu na kuboisa wakongo.

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

JOHANE 6:37

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

MABONYO GHA WADUMI 28:31

Ukachila malagho gha Wuzuri ghwa Mlungu, na kufundisha malagho gha Bwana Jesu Kristo worinyi useghirilwagha ni mndungi.

WAROMA 10:14

Ela wandu wichajiwangia wada irina jake uo wisemrumirie? Nawo wichamrumiria wada uo wisemsikire jingi? Nawo wichasikira wada ngera mchili useko?

WAROMA 10:17

Kwa huwo irumirio jiachanya na kusikira Ilagho, na jija Ilagho jiachanya na kumchila Kristo.

WAROMA 15:3

Angu Kristo nderekuboieghe uo moni, ela sa iji koni iandikilo, “Masholio ghose werekusholieghe oho, ghanipatire ini.”

2 TIMOTHEO 4:2

Chila jija Ilagho ngelo ifwane, na ngelo isefwane; wonyera, kania, shashira, kwa kurumaghia kose na kufundisha.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.