LUKA 8:52 - Biblia Ilagho Jiboie Kwa Wandu Wose

⁵² Na wose werekoghe wikikema na kumlilia; ela Jesu ukawizera, “Msakelila, angu mwana ndefue anduangi, ela waalala.”

LUKA 8:52 ပူးပေါင်းရင်းမြစ်များ

KUZOYA 23:2

nao ukafwa aja Kiriath-araba, nigho Hebroni isanga ja Kanaani. Abrahamu ukamlilia muka wake Sara na kum'bonyera ifwa.

2 SAMUELI 18:33

Nao mzuri ukawawa nandighi, ukajoka na kungia chija chumba cherekoghe aighu ya mbenge, ukalila; hata iji orekoghe ukighenda ukalila ukighamba, “O mwanwapo Absalomu, mwanwapo, mwanwapo Absalomu! Si baa nafwanagha ini wulalo ghwako? O mwanwapo Absalomu, mwanwapo!”

KUFUMA 24:17

Ugho wubaa ghwa BWANA ghorekoghe ghukiwoneka kwa wandu wa Israeli sa lumu lwa modo luakagha aighu mghondinyi.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

MATHAYO 11:17

wikighamba, ‘Deremkabieghe misherembe mkalegha kuvina, dereborieghe chumbo ra wasi mkalegha kulila.’

LUKA 23:27

Na izungu ibaa ja wandu jikamnugha andwamweri na waka wamu werekoghe wikikema mchungu na kumlilia.

LUKA 23:48

Na izungu jose ja wandu werekoghe kimusi wikizighanira, wimeria kuwona agho gherebonyekieghe, wikaghala cha mzinyi wikikukaba-kaba laghenyi kwa wasi.

LUKA 8:51

Wiendavika nyumbenyi, ukawighiria wose wisengianye andenyi; ela Petro, Johane, Jakobo, ndee mwana, na mae mwana wiekeri.

LUKA 8:53

Wikamseka loli-loli wikimanya angu wameria kufwa.

JOHANE 11:4

Nao Jesu iji wasikira agho ukaghamba, “Wukongo ughu si kwa wundu ghwa kifwa anduangi, ela ni kwa wundu ghwa kumredia Mlungu wubaa, na kwa wundu ghwa Mwana wa Mlungu kukaswa.”