LUKA 8:3 - Biblia Ilagho Jiboie Kwa Wandu Wose

³ na Joana mkake Kuza, m'baa wa kazi wa Herode, na Susana, na wazima wengi werekufunyireghe kumdumikia kwa mali rawo.

LUKA 8:3 ပူးပေါင်းရင်းမြစ်များ

1 MALAGHO GHA NGELO 29:14

“Ela ini na wandu wapo deko kii hata didime kukufunyira kwa ngolo huwu? Kwa kukaia vilambo vose vadafuma kwako nesi daakuneka iveni vako.

ISAYA 23:18

Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

MATHAYO 14:1

Ngelo iyo mzuri Herode ukasikira malagho gha Jesu.

MATHAYO 14:3

Angu Herode nuo oremmbwadieghe Johane, ukamfunga, na kumngira kifungonyi kwa wundu ghwa Herodia nao ni mka-mruna Filipo.

MATHAYO 14:6

Nao iji ituku ja kuvalwa kwake Herode javika, mwai wa Herodia ukavina imbiri ya wose, ukamrira Herode. Nao ukam'bonyera ilaghiro ja ighemi,

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

MATHAYO 20:8

“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

MATHAYO 26:11

Mokwanye na wakiwa matuku ghose, ela ini sichakaianya na inyo matuku ghose anduangi.

MATHAYO 27:55

Wokoni korekoghe na waka walazi aho werekoghe wikizighanira kwa kula, awo weremnughieghe Jesu kufuma Galilaya wikimdumikia.

LUKA 24:10

Awo werewighorieghe wadumi maza iri werekoghe Maria Magdaleni, na Joana, na Maria mae Jakobo, andwamweri na waka wamu wazima.

JOHANE 12:6

Oreghorieghe agho, si angu orewitalieghe wakiwa anduangi, ela ni iji orekoghe kitoi; na angu nuo oredwagha mfuko ghwa pesa orekoghe ukiiwa pesa rerekumbiloghe andenyi.

MABONYO GHA WADUMI 13:1

Andenyi ya Ikanisa ja Antiokia korekoghe na walodi wamu na walimu; nawo ni Barnaba, Simoni uwangwagha Mwachilu, Lukio kufuma Kurene, Manaeni uo oreleleloghe andwamweri na Herode m'baa wa isanga, na Sauli.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WAFILIPI 4:22

Mwarogholwa ni waeli wose, kuchumba awa wa nyumba ya Kaisari.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.