LUKA 8:29 - Biblia Ilagho Jiboie Kwa Wandu Wose

²⁹ Angu oreilaghirieghe ija pepo ya makakala ifume kwa uja mundu. Angu kalazi koni eremmbwadieghe; na hata ngera saki orewadiloghe na kungirwa kifungonyi, ukifungwa mikonu yake kwa minyororo na pingu, ela ukavidumbua ivo vifungo na kukimbirishwa cha kireti ni iyo pepo.

LUKA 8:29 ပူးပေါင်းရင်းမြစ်များ

MARKO 5:8

(Oreghorieghe huwo angu Jesu oremzerieghe, “Fuma kwa uhu mundu, oho pepo ya makakala.”)

LUKA 8:28

Nao iji wammbona Jesu, ukakema na kughwa imbiri kwake, na kughamba kwa lwaka lubaa, “Kwakunde kunibonya wada Jesu Mwana wa Mlungu Uo-Uko-Aighu-Nandighi? Nakuvoya kusenitirire.”

LUKA 8:30

Nao Jesu ukamkotia, “Irina jako nani?” Ukatumbulia, “Irina japo ni ‘Ijeshi’” angu orengiriloghe ni pepo nyingi.

LUKA 9:39

Wadawadwa ni pepo, nao ahoeni uakema mchungu, nao iamghusha na kumkuna, nao uafunya ifuo na kuvavirika na ndighi; hata ndeimsighagha shwa-shwa anduangi.

LUKA 9:42

Nao iji orekoghe ukicha, ija pepo ikamghusha na kumkuna. Ela Jesu ukaikania ija pepo ya makakala, ukam'boisa uja mwana na kumneka ndee.