LUKA 8:25 - Biblia Ilagho Jiboie Kwa Wandu Wose

²⁵ Nao ukawizera, “Welee, irumirio jenyu jeko hao?” Nawo wikaobua na kuzerana, “Welee, uhu nani ulaghiragha hata mbeo na machi, navo vamsikira!”

LUKA 8:25 ပူးပေါင်းရင်းမြစ်များ

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

MAKATANISHO 8:29

iji orewikagha mwano ghwa bahari, eri machi gharo ghisechumbe andu kwaro, iji orebonyagha msingi ghwa ndoenyi.

MATHAYO 14:31

Nao shwa wori Jesu ukaghughorua mkonu ghwake ukammbwada ukighamba, “Mundu wa irumirio itini oho, kwaki kwabonya kiture?”

MATHAYO 17:20

Jesu ukawitumbulia, “Ni kwa wundu ghwa wutini ghwa irumirio jenyu. Kwa loli ngera modeeka na irumirio jing'ane sa ndembe ya haradali, kumangu mwaghuzera mghondi ughu, ‘Injika aha kughende aja,’ nagho ghuchamsikira. Hata kumangu ndekuwadie kilambo chingi chisedimikagha konyu anduangi. [

MATHAYO 6:30

Ikakaia Mlungu wadarirusha huwo mboi ra mlambenyi riko idime sena kesho riakorwa, ndechaam'bonyera nicha kuchumba inyo wandu wa irumirio itini anguwada?

MATHAYO 8:10

Jesu uendasikira agho, ukashinika ukawizera wandu werekoghe wikimnugha, “Namghoria loli, jingi siwonie mndungi kwa Israeli uko na irumirio sa iji anduangi.

MATHAYO 8:26

Jesu ukawizera, “Inyo wandu wa irumirio itini, kwaki mwaobua?” Niko ukawuka, ukaikania mbeo na bahari; kukakaia kuhoa kubaa.

MARKO 4:35

Ituku ijo jeni, iji ndoe yaswa, Jesu ukawizera wanughi wake, “Diruwuke noko kimonu.”

LUKA 12:28

Idana ikakaia Mlungu warirusha huwu nyasi ra mlambenyi riko idime na kesho raoma, na kukorwa modo, uchachumbaki kumrusha inyo wandu wa irumirio itini.

LUKA 8:24

Wanughi wikamghendia Jesu wikammbusira wikighamba, “Bwana, Bwana diamba ditote!” Jesu ukawuka ukaikania ija mbeo na ija mivo-mivo ya machi ikasia, kukakaia kuhoa kubaa.

LUKA 8:26

Nao wikavika isanga ja Wagerasini, jiko kulangaya cha Galilaya.

JOHANE 11:40

Jesu ukamzera, “Welee, sikuzerieghe kukarumiria kuchaghuwona wubaa ghwa Mlungu anguwada?”