LUKA 8:13 - Biblia Ilagho Jiboie Kwa Wandu Wose

¹³ Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

LUKA 8:13 ပူးပေါင်းရင်းမြစ်များ

AYUBU 19:28

Ikakaia mooghamba munidima wada, na maza iri reeka kwapo koni,

MAKATANISHO 12:12

Wawiwi wadaboilwa ni kuwona wawiwi wambao wikisoka, ela mundu wa hachi wadakaia umange usenyavurikagha.

MAKATANISHO 12:3

Wuwiwi ndeghutesiagha mndungi, ela mhachi ndenyavurikagha jingi.

ISAYA 58:2

Sena hoku waawuyanilola kula ituku, wikikunda kurimanya chia rapo, sa wandu wa hachi, na sa wandu wiserisighie sharia ra Mlungu wawo. Wakunda kupata kutanya kwa hachi na kukunda kusoghoda kaavui na Mlungu.”

EZEKIELI 33:32

Koowuya kwawo sa mundu uboragha chumbo ra lukundo kwa lwaka lusingie, ukilukaba na chombo charo; kwa kukaia wadasikira malagho kughorie ela ndewibonyagha.

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

MARKO 6:20

Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

LUKA 8:12

Mbeu iri rerepotokieghe chienyi ni sa wandu wijisikiragha ijo ilagho, konyuma Mmbiwi wacha na kujiinja ngolonyi kwawo, wisechejirumiria na kukia.

LUKA 8:14

Iri rerepotokieghe minjonyi, ni sa wandu wijisikiragha ilagho, ela wikighenda woruwu wachulwa ni maghesho na bea ra mali na maseko gha irangi iji, nao ndewiwurushagha matunda ghangi anduangi.

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

JOHANE 15:6

Mndungi usekaiagha andenyi kwapo, wadadaghwa shighadi sa lumbashu, nao waoma. Mbashu sa iro radasholwa rikumbo modonyi na kukorwa.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.

1 WAKORINTHO 15:2

najo jawuyamkira, ikakaia mwawuyajiwadia wokoni huwo seji neremchilieghe; isaakaia ngera modejiwusa ighu-ighu.

WAGALATIA 3:1

Wagalatia mkelie inyo! Nani umloghie; wandu morewonyeroghe worinyi mesonyi konyu seji Jesu Kristo oresulubishiroghe?

WAGALATIA 3:4

Huwo maza rose rimpatire redeeka ra duu? Ini siwonagha wei ni ra duu anduangi.

WAEFESO 3:17

na Kristo ukaie andenyi ya ngolo renyu kwa chia ya irumirio. Nenyo mkidunga miri na kumanga kwa lukundo,

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WAKOLOSAI 2:7

mkidunga miri na kuaghwa andenyi kwake kwa ijo irumirio, sa iji koni morefundishiroghe, na kudua mkifunya chawucha.

1 WATHESALONIKE 3:5

Kwa wundu ughu, niendalemwa ni kurumaghia kuchumba, niko ngamduma Timotheo, nipate kumanya malagho gha irumirio jenyu, ngiobua kewada uo Mtimi wachemtima, na kazi edu ikawuya ya duu.

1 TIMOTHEO 1:19

kukijimazira ijo irumirio na nia iboie. Wandu wamu waleghie kuisikira iyo nia, wikadima wakunonia irumirio jawo;

WAEBRANIA 10:39

Ela isi ndediko wa awo wiwuyagha nyuma na kutota, ela deko wa awo wiko na irumirio jekira roho redu.

JAKOBO 2:26

Angu sa iji koni mumbi ghusewadie roho ghwafue, ni huwo koni na irumirio jisene mabonyo, jeeka jifue.

2 PETRO 2:20

Kwa kukaia, nyuma ya kufufunuka kufuma kwa ugho wuchafu ghwa wurumwengu, kwa chia ya kummanya Bwana na Mkiri odu Jesu Kristo, wikawuya wikawadwa na kumazirwa andenyi kwaro sena, kutua kwawo kwakaia kuzamie kuchumba imbiri.

2 PETRO 2:22

Iakaia kwawo seji ikatanisho jighambagha, Koshi yawuria madaiko ghake, na nguwe ioghoshero, kuwuyaghala-ghala sena mazozonyi.

1 JOHANE 2:19

Awo wandu werefumieghe kodu, ela ndewerekoghe wa kedu anduangi; ngera wedeeka wa kedu, kumangu waduanyagha nesi. Ela werefumieghe, eri wipate kuwoneka worinyi kukaia awo wose si wa kedu anduangi.

JUDA 1:12

Wandu awa weeka sa maboli gha wuchafu andenyi ya karamu renyu ra lukundo, wikijanya nenyo wisene waya, na kukukunda weni. Weeka sa mawingu ghisewadie machi, ghidukwaa-dukwa ni mbeo; ni sa midi isewadie matunda ngelo ya kimu cha matunda, iko seji eekulwa na kufwa putu.