LUKA 7:6 - Biblia Ilagho Jiboie Kwa Wandu Wose

⁶ Nao Jesu ukaghendanya nawo. Hata iji werevikieghe kaavui na nyumba yake, uja m'baa wa Kiroma ukaduma waghenyi wake kwa Jesu ukighamba, “Bwana, kusakekusumbua, angu ini sifwane kuchelwa ni oho, kungie nyumbenyi kwapo.

LUKA 7:6 ပူးပေါင်းရင်းမြစ်များ

KUZOYA 32:10

Ini sifwane kindo chingi kukatanishwa na ulo lukundo lwako, na wuloli ghwako kughuwonyere kwapo ini mdumiki wako; kwa kukaia nereruwukieghe Jordani na mzata ghwapo ghoni, ela idana nakaia mafungu awi.

MAKATANISHO 29:23

Kukujosa kwa mundu, kwadamsera; ela uhu uko na roho ekusera, uchapata ishima.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MARKO 5:24

Niko Jesu ukaghendanya nao, na izungu ibaa jikamnugha, jikimtindiria.

LUKA 5:8

Ela iji Simoni Petro orewonieghe agho, ukamdungia Jesu ngokoro ukighamba, “Kaia kula nani, angu ne mundu wa kaung'a ee Bwana.”

LUKA 7:4

Nawo wiendamchea Jesu, wikamlomba nandighi wikighamba, “Uo wafwana kum'bonyere seji walomba;

LUKA 7:5

angu waikunde mbari yedu, sena orediaghieghe sunagogi.”

LUKA 7:7

Niko hata ini seredimieghe kucha kwako anduangi. Ela oho ghora ilagho jeni tu, na mzumba wapo uchaboa.

LUKA 8:49

Nao iji orekoghe ukideda, ukacha mundu umu kufuma nyumbenyi kwa uja m'baa wa sunagogi, ukamzera, “Mwai wako wameria kufwa, kusesindemjisha Mwalimu wasi.”

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

JAKOBO 4:10

Mkusere mmbeni imbiri ya Bwana nao uchamjosa inyo.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”