LUKA 7:19 - Biblia Ilagho Jiboie Kwa Wandu Wose

¹⁹ Johane ukawiwanga wawi wa wanughi wake ukawiduma kwa Bwana wimkotie, “Welee, ni oho kumoni kuchagha angu dimmbesere mzima?

LUKA 7:19 ပူးပေါင်းရင်းမြစ်များ

KUZOYA 22:18

Na kwa kivalwa chako, mbari rose ra ndoenyi richanilomba irasimio, angu oho kwalusikira lwaka lwapo.”

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MARKO 6:7

Ukawiwanga waja wanughi ikumi na wawi wimchee, ukazoya kuwiduma wawi-wawi, ukawineka ndighi aighu ya pepo ra makakala.

LUKA 10:1

Nao nyuma ya agho, Jesu ukawika wazima sena wandu mirongo mfungade, ukawiduma wawi-wawi wimkirie kughenda iyo mizi orekundieghe kuighenda.

LUKA 11:1

Ituku jimu Jesu orekoghe andu kumu ukilomba. Uendameria kulomba, mnughi umu wake ukamzera, “Bwana difundishe kulomba seji Johane orefundishireghe wanughi wake.”

LUKA 11:39

Nao Bwana ukamzera, “Inyo Mafarisayo, mwadaoghosha vikombe na sahani cha shighadi, ela nandenyi mwachua kusoka na wuwiwi ghose.

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

LUKA 13:15

Nao Bwana ukamzera, “Inyo waji-kuwi, huwo ungi onyu aha ndefunguagha ng'ombe angu punda wake ughende machinyi ituku ja Sabato?

LUKA 17:5

Nao wadumi wikamzera Bwana, “Dichurie irumirio jedu.”

LUKA 17:6

Bwana ukaghamba, “Ngera modeeka na irumirio jing'ane sa ndembe ya haradali, kumangu mwaghuzera muku ughu, ‘Kuka kuwalo baharinyi’ nagho kumangu ghwamsikira.”

LUKA 18:6

Nao Bwana ukaghamba, “Sikirenyi seji uja mtanyi mmbiwi ughoragha.

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

LUKA 22:61

Bwana ukaghaluka ukazighana Petro, na Petro ukakumbuka seji Bwana oremzerieghe, “Kio ichi cheni, imbiri ya njogholo kudeda, kuchanikana kadadu.”

LUKA 24:34

wikighamba, “Loli Bwana waruka, nao wamfutukia Simoni.”

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

LUKA 7:20

Awo wandu wiendamchea Jesu wikamzera, Johane wadiduma dikukotie, ‘Ni oho kumoni kuchagha angu dimmbesere mzima?’”

JOHANE 11:2

Ni uja Maria oremshingieghe Bwana mavuda, na kumuaghia maghu ghake kwa iridia jake, nuo mruna Lazaro orekoghe mkongo.

JOHANE 4:1

Idana Mafarisayo weresikireghe angu Jesu orekoghe ukipata na kubaputiza wanughi wengi kuchumba Johane.

JOHANE 4:25

Uja muka ukamzera, “Namanya angu Masiha uacha, (uo uwangwagha Kristo) nao kasikira wacha, uchadiwonyera maza rose.”

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

JOSHUA 2:1

Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”